1 Kurintu 14:16 - Ke meupiya ne tudtul mekeatag ki Hisu Kristu

¹⁶ Su embiya edeyù ki te Eleteala te kinehiyan ne kenà egkesebutan ne ruen menge ruma tew te egkevurun ne kenà ebpekesabut dut te egkehiyen ta te edeyù te Eleteala, ne kenà dan ebpekeamung keytew te edeyù te Eleteala su kenà dan ma egkesebutan ke kinehiyan tew.

1 Kurintu 14:16 ပူးပေါင်းရင်းမြစ်များ

Mateo 15:36

Ne migkuwa rin ke pitu ne timan ne pan wey menge serà ne impeselamat din en diyà te Eleteala. Ne mibpenevìtevì din en ke pan, ne imbehey rin en dut te menge edumdumaan din su ibpetukid diyà te menge etew.

Mateo 28:20

Ne penurua niyu sikandan te kedtuman dut te langun ne impenurù ku keniyu. Ne ini se idtahù niyu te hinawa te layun a eduma keniyu taman te taman.

Mateo 6:13

Ne ipekeriyù key nikuna dut te menge mevaher ne penggeram, ne pekelangi key dut te datù te pekaid.’

Marcos 16:20

Ne mid-ipanew en dema ini se menge edumdumaan din se ebpesabut dut te Meupiya ne Tudtul mekeatag kandin diyà te langun ne menge inged. Ne Eleteala se midtavang kandan su nekevaal dan te menge mekegeyip apey mekeperetiyaya ke menge etew te benar ini se ibpesabut dan.] [ (9) Mibpendiyà ke menge meritan te enki Pedro ne intarem dan ke langun ne nerineg dan. (10) Neipus ini ne pineipanew ni Hisus ke menge edumdumaan din egenat te edsilaan ne ebpependiyà te edsenlepan su ebpesabut dan te berekat ne lalag mekeatag te umur ne warà edtaman din.]

Juan 21:25

Ruen pà lavew merakel ne mid-ulaula ni Hisus ne warè en ikesurat. Su embiya id-amin te edsurat ne antap ku ne misan ini se lusud te linengkevan ne kurang pà ne edtehuan.

Juan 7:15

Ne ruen ketà menge egkeunutan te Hudiyanen ne midtelavuk ne nengeinuinu ran. “Endei ebpuun ini se ketau rin” ke sikandan “su warà ma sikandin mekepengadì?”

Nenged-ulaula 4:13

Ne guna su nekita rut te menge Perekukum te kenà egkeandek si Pedro wey si Juan ne edlalag ne negeyip dan su netuenan dan te mevavà se nepengedian kayi te deruwa su menge etew rà dè duen. Ne ketà ne netenuran dan te midumdumaan dan ni Hisus.

1 Kurintu 11:24

ne impeselamat din en diyà te Eleteala ne mibpenevìtevì din en ke pan ne migkahi te, “Ini ke lawa ku ne ibehey ku ne ed-imetayan mekeatag te salà niyu. Layun niyu keena te iring kayi su ke kedtanudtanud niyu kedì.”

1 Kurintu 14:14

Su embiya iyan ku kebpengeningeni te kinehiyan ne kenà egkesebutan, ne kayi te hinawa ku ne ebpengeningeni ugaid ne ke itungan ku ne kenà eduma ketà.

1 Kurintu 14:2

Su embiya ruen etew ne ebpekelalag te kinehiyan ne kenà din egkesebutan, ne iyan din ebpekidlelahan ke Eleteala, kenà ke menge ruma rin su kenà dan egketuenan ke engkey arà se egkehiyen din. Su ke etew ne edlalag te iring ketà ne ibpekahi rut te Kedesenan ne Ebpetuntul te Menusiyà te tudtul ne riyà ebpuun te Eleteala ne in-eles dut te ruma su warà ebpekesabut.

1 Kurintu 16:24

Ne ke limù ku ne kenà meawà diyà te keniyu sabap dut te mibpekidseveka kiyu ki Hisu Kristu. Arà dà taman. Pablo

2 Kurintu 1:20

Su sikandin ke midtuman te langun ne impasad te Eleteala mekeatag te kebpekepeliyu te menge etew. Ketà be ne kayi egenat te si Hisu Kristu ne egkepakey ne egkahi ki te langun ne pasad te Eleteala ne benar iya, su ketà ne egkereyù tew ke Eleteala.

Imperayag 22:20

Na si Hisus ke mibperayag te langun ne insurat ku kayi ne migkahi te, “Uya, benar iya ne mehaan ad edlived!” Egketuman ini! Is, Hisus ne Kerenan ku, egkiyuhan ku ne ebpengkayi ke en!

Imperayag 5:14

Ne dutun migkahi ke epat ne nelimbag te, “Egketuman ini.” Ne midlumpeng ke deruwa nepulù wey epat ne pekilukesen ne mibpengarap kandan.

Imperayag 7:12

se egkahi te, “Egketuman ini. Edeyuen tew ke Eleteala tew. Ebentuhen tew sikandin. Ne ed-edatan tew sikandin su ke itungan din ne metampas, ne ke kebayàbayà din te edatù ne dekelà wey ke gehem din ne mevaher. Ebpeselematan tew sikandin taman te taman.”