1 Kurintu 14:15 - Ke meupiya ne tudtul mekeatag ki Hisu Kristu

¹⁵ Na embiya iring ketà ne engkey se ed-ul-ulaan ku? Iring kayi. Ebpengeningeni a te Eleteala dut te lalag ne ibpekahi kedì dut te Kedesenan ne Ebpetuntul te Menusiyà, ugaid ne ebpengeningeni a rema te lalag ne egkesebutan ku. Ne egkanta a su edeyù te Eleteala te lalag ne ibpekahi kedì dut te Kedesenan ne Ebpetuntul te Menusiyà, ugaid ne egkanta a rema te lalag ne egkesebutan ku.

1 Kurintu 14:15 ပူးပေါင်းရင်းမြစ်များ

Nenged-ulaula 21:22

Na engkey embe imbe ini? Su egkerineg dan iya te nekeuma ke en.

Ruma 1:9

Su netuenan te Eleteala ne benar ini se egkehiyen ku te uman a ebpengeningeni ne idragkes ku sikiyu. Ne ini ke Eleteala ne id-amin ku ke hinawa ku te egelevek kandin te kebpemesabut ku rut te Meupiya ne Tudtul mekeatag te Anak din.

Ruma 3:5

Kalu ke ruen menge etew ne iyan dan ebpegitungen ne egkepakey ne ed-ulaula ki te mereat su kayi ebpuun ne egkekita te menge etew te metidtu ke Eleteala su kenà iring keytew, ketà ne kenà dait ne edusaan te Eleteala ke menge etew ne ed-ulaula te meraat. (Ini ne mibeelan dà ne lempawi dut te etew kayi te ampew te dunya.)

Ruma 8:31

Na geina te netuenan tew ke langun ne mid-ulaula te Eleteala te kebpekita rin dut te limù din keytew, ne netuenan tew se benar iya ne kayi medtampil ke Eleteala te keytew, ne warà ebpekekaid keytew.

1 Kurintu 10:19

Ne engketà ded ke menge etew ne edrenà te siparat diyà te kenà tidtu ne ebpengerapan, ne nekeamung dan dema te ebpengarap dut te kenà tidtu ne Eleteala. Ugaid ne ebpesebutan ku keniyu te warà iya lalew ran ketà. Ne ini se kenà tidtu ne ebpengerapan ne warà iya igketavang dan dut te menge etew ne edrenà te siparat diyà te kandan.

1 Kurintu 14:14

Su embiya iyan ku kebpengeningeni te kinehiyan ne kenà egkesebutan, ne kayi te hinawa ku ne ebpengeningeni ugaid ne ke itungan ku ne kenà eduma ketà.

1 Kurintu 14:19

Ugaid ne embiya riyan a te egkevurunan te menge mibperetiyaya ki Hisus ne iyan dà tumù ne egkekahi ku keniyu se lelima ne tahà ne ebpeketavang keniyu su nesebutan niyu tumin dut te ngivungivuwan ne lalag ne warà seveka ketà ne egkepurut niyu ne ebpeketavang keniyu.

1 Kurintu 14:26

Engketà be menge suled, ne ini se egkehiyen ku keniyu. Embiya egkevurun kew te ebpengarap te Eleteala, ne iyan meupiya ne ruen egkanta se edeyù te Eleteala. Ne ruen ruma ne ebpenurù. Ne ruen duma ne ebpesabut te impesabut kandin dut te Eleteala. Ne ruen duma pà ne ebpekelalag te kinehiyan ne kenà egkesebutan, ne ruen ded dema metau ne edluwas ketà. Ugaid ne langun te ed-ul-ulaan niyu ne iyan niyu iya ul-ulaa ne ke kebpekeiseg dut te kebperetiyaya niyu te keduma ki Hisu Kristu.

Ipisu 6:18

Ne ketà te inseluub niyu ke langun ne adir, ne layun kew pengeningeni riyà te Eleteala te ebuyù te tavang din te piya engkey ne egketemanan niyu. Warà be edsemaan niyu ugaid ne langun taman ne ipengeningeni niyu riyà te Eleteala, ne iyan niyu ipengeningeni ke ibpepegitung keniyu dut te Kedesenan ne Ebpetuntul te Menusiyà. Kenà kew kebungas te kebpengeningeni niyu, wey kenà niyu lipati te edragkes te pengeningeni niyu ke langun ne mibperetiyaya.

Pilipus 1:18

Ugaid ne misan iring ketà, ne ebeleharen. Su meupiya meraat pà se ed-epasen dan asal ne ibpesabut dan ke Meupiya ne Tudtul mekeatag ki Hisu Kristu, ne ketà ne egkehalew a. Uya, ne warà mulà sanggel din se kegkehalew ku,

Kulasi 3:16

Itahù niyu nevenar te hinawa ke langun ne nerineg niyu ne impenurù ni Hisus apey niyu egkeherami ke engkey se keupiya rin, ne ini se nehuruwan niyu ketà ne ipenurù niyu wey ibpesabut niyu rut te menge ruma niyu. Pemeyveyuka niyu ke keupiya te Eleteala kayi te iringà niyu apey kew ebpeketavang te ruma ne etew, ne peselamat kew ve te Eleteala kayi te iringà niyu egenat dut te dekelà ne hinawa niyu.

Santiago 5:13

Na embiya duen diyà te keniyu egkerehenan, ne iyan meupiya ne ebpengeningeni sikandin te Eleteala. Ne embiya ruen egkehalew, ne iyan meupiya ne ebpembeyveyuken din te kebpeselamat din te Eleteala.

Hudas 1:20

Ugaid ne sikiyu ne menge suled ku, ne ibpeunsad niyu ke langun ne ed-ul-ulaan niyu kayi te sarig ne imbehey kenitew te Eleteala. Ne kayi te kebpengeningeni tew te Eleteala ne ignganey tew rut te Kedesenan ne Ebpetuntul te Menusiyà te iyan mebayàbayà te itungan tew su apey ta egketueni ke engkey se egkiyuhan te Eleteala ne kebpengeningeni tew.