1 Kurintu 14:11 - Ke meupiya ne tudtul mekeatag ki Hisu Kristu

¹¹ Ugaid ne embiya ruen ebpekidlalag kedì ne kenà ku egkesebutan ke engkey se egkehiyen din, ne iring sikandin te riyà ebpuun te meriyù ne inged su kenà key ebpekedsebutà.

1 Kurintu 14:11 ပူးပေါင်းရင်းမြစ်များ

Nenged-ulaula 28:2

Ne ke menge etew ketà ne midtelimà dan kenami te meupiya ne midtetavun dan su ed-uran ne meadsil.

Nenged-ulaula 28:4

Guna su nekita rut te menge etew ne ed-ubpà ketà arà se uled ne mibitinbitin diyà te belad ni Pablo ne mibpelelahey ran se egkahi te, “Terevunù bes buwa ini, su misan nekehaun sikandin dut te rahat ne kayi red se Bagì din se ebpatey.”

Ruma 1:14

Su iyan ku ebpeiringan ne ruen utang ku rut te langun ne menge etew, ne iyan ku bayad kayi te utang ku ne arà se kebpesabut ku rut te Meupiya ne Tudtul diyà te langun ne edsusunan te menge etew ne sumabut etawa kenà, misan ke ruen netuenan din etawa warà.

1 Kurintu 14:10

Ne merakel se kinehiyan kayi te ampew te dunya, ne warà seveka rà ne kinehiyan ne wawet su ruen ded ebpekesabut ketà.

1 Kurintu 14:21

Su ruen impesurat ne Lalag te Eleteala rengan ne egkahi te, “Ruen edsuhuen ku ne menge etew ne senge bias se kinehiyan dan su apey ku ibpepenudtul dut te menge etew ne mibpemilì ku ke engkey se ebpesebutan ku kandan. Ugaid ne misan engketà se ed-ul-ulaan ku, ne kenà dan ebpemineg.”

Kulasi 3:11

Ke langun tew ne mibperetiyaya ne warà biraan din diyà te etuvangan te Eleteala, Hudiyanen sikandin etawa kenà Hudiyanen, neetusan sikandin etawa warà, nekepengadì sikandin etawa warà nekepengadì, uripen sikandin etawa kenà uripen. Su langun tew ne mibperetiyaya ki Hisu Kristu ne mibpekidseveka kiyu kandin, ne sikandin se ed-ubpà kayi te keytew.