1 Kurintu 13:9 - Ke meupiya ne tudtul mekeatag ki Hisu Kristu

⁹ Su ke nesebutan tew guntaani ne kenà pà impit wey ke ketau tew te ebpemesabut te Lalag te Eleteala ne kurang pà dema su warà pà meuma ke ked-imesara te Eleteala.

1 Kurintu 13:9 ပူးပေါင်းရင်းမြစ်များ

Mateo 11:27

Ne migkahi si Hisus diyà te menge etew te, “Ke Amey ku se mibpesarig kediey te langun taman. Warà netau kedì te Anak a te Eleteala liyu rà te Amey ku ne Eleteala. Ne warà netau te Amey ku ne Eleteala liyu rà te siaken ne Anak din wey ke menge etew ne egkiyuhan ku te ebpayag mekeatag dut te Amey ku.”

Ruma 11:34

Su iyan din iring ke impesurat ne Lalag te Eleteala ne egkahi te, “Engkey rà se nekesabut te itungan te Eleteala? Uya, engkey rà la se ebpekepemandù kandin?

1 Kurintu 13:10

Ugaid ne ketà te keuhetan din ne hewii te ked-imasag en dut te Eleteala, ne ke langun ne warà pà mepasad ne egkeawà.

1 Kurintu 13:12

Ne taman te kayi ki pà te ampew te dunya ne iyan te rà nesebutan ne iring te edtengteng ki riyà te pehelungan ne egkempuran en su kenà utew mepayag se kedtengteng ta. Ugaid ne keuremà ne kenà alung dà se egkekita ta su iyan ta egkekita ne si Hisu Kristu. Ne misan ini se nesebuten ku guntaani ne kenà pà meimpit, ne ruen hewii ne ebpekeuma ne ed-imesaren te Eleteala ke nesebutan ku iring dut te nesebutan din mekeatag kediey.

1 Kurintu 2:9

Su ruen impesurat ne Lalag te Eleteala ne egkahi te, “Duen impenehana te Eleteala rut te menge etew ne egkelimù kandin. Ini se impenehana rin, ne warà senge etew rà ne nekekita kayi, ne warà nekerineg, ne warà nekepegitung ketà.”

1 Kurintu 8:2

Su ke etew ne kunaan din ke dekelà en se netuenan din, ne tuus arà te warà mekesuhat ke pegitungan din.

Ipisu 3:8

Su misan siaken se pinekemevavà dut te langun ne etew rin, ne siaken ded se mibpurut din te ebpesabut diyà te sikiyu ne kenà Hudiyanen kayi te Meupiya ne Tudtul ne kenà egketembu se taman ne keupiya rin.

1 Juan 3:2

Menge suled ku ne igkelimù ku, menge anak kiyu en te Eleteala. Ne misan warà dey pà metueni se egkevaluy ki keuremà, ugaid ne netuenan ta te ketà te kedlived ni Hisus kayi ne egkesembian ki iring kandin su ketà ne egkekita tew en sikandin.