1 Kurintu 12:23 - Ke meupiya ne tudtul mekeatag ki Hisu Kristu

²³ Ne ke menge pepatà te lawa ta ne iring te warà atag din ne iyan ta maa ed-upianan nevenar. Ne ke menge pepatà te lawa ta ne ebpekeyeyà keyta ne edtelevan ta te meupiya su apey kenà egkekita.

1 Kurintu 12:23 ပူးပေါင်းရင်းမြစ်များ

1 Kurintu 12:22

Su iyan benar ne ke pepatà te lawa ta ne iyan ta itungan ne warà atag din, ugaid ne dekelà ma se atag din su warà meimames ini se lawa ta embiya warà arà.

1 Kurintu 12:24

Ugaid ne ruen menge pepatà te lawa ta ne meupiya ne edtengtengen misan kenà ta en edtelevan te meupiya. Iyan kineveeli te Eleteala dut te lawa ta te iring kayi su apey ta metuganur te meupiya arà se menge pepatà te lawa ta ne iring te reisek se egkeetahan din dut te ruma ne pepatà te lawa ta.

1 Timoteo 2:15

Tembù be egkerasey ke meritan ke ed-anak, ugaid ne egketevangan dan te Eleteala su apey ran ebpekeliyu embiya egkamal dan te mevaher te peretiyaya ran kandin wey ebpelimlimuey ran wey ebpeketidtu ran te ulaula ran ne ebpekesuhat te Eleteala.

1 Timoteo 2:9

Ne engketà ded dema ke menge meritan, duen erangan te kebpemedait dan te kebevelegkas dan. Kenà kayi rà te mepurù ne velegkas dan etawa kayi te kebpuputus dan etawa menge rayandayan ne bulawan egketueni se keupiya ran te menge meritan.