1 Kurintu 12:18 - Ke meupiya ne tudtul mekeatag ki Hisu Kristu

¹⁸ Ugaid ne kenà iring ketà se kinelimbag te Eleteala te etew, su ke lawa te etew ne kenà senge susun ne pepatà dà ugaid ne merakel su uman seveka ne ruen egkeetahan din su arà ma ke kiyug te Eleteala.

1 Kurintu 12:18 ပူးပေါင်းရင်းမြစ်များ

Lucas 10:21

Ketà ne hewii ne mibpehalew si Hisus dut te kedlumun te Kedesenan ne Ebpetuntul te menusiyà ne mideyù din ke Eleteala se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan dan, ne in-eles nu ini se ketau nu rut te menge etew ne dekelà se netuenan dan. Uya, dekelà se kedeyù ku keykew, Amà, te ini se mid-ulaula nu su ini ke kiyug nu.”

Lucas 12:32

“Sikiyu ini se menge edumdumaan ku,” ke si Hisus, “kenà kew meandek, su misan deisek kew rà ne ke Amey niyu riyà te langit ne egkiyug ne egkeratù kew dut te menge etew ne Edetuan din.

Ruma 12:3

Ne geina te ruen ketau ne imbehey kediey te Eleteala te kebpemesabut te lalag din, ne ebuyuen ku te langun niyu ne kenà niyu pegitunga te sikiyu rà se ruen gaga rin. Ugaid ne peketidtuwa niyu ke itungan niyu dut te negaga niyu, ne iyan niyu serihi ne endei rà taman te ketau ne imbehey keykew te Eleteala ketà te kedsarig niyu kandin.

Ruma 12:6

Ne geina te warà memeked-iring ke imbehey te Eleteala ne ketau rut te sikitew, ne iyan tew rà egeleveken ke imbehey rin keytew. Upama ini, embiya iyan ingkevehey te senge etew rut te sikitew se ebpemenudtul ke engkey se impesabut kandin te Eleteala, ne arà en imbe se geleveka rin te endei taman se sarig din.

1 Kurintu 12:11

Ne langun kayi ne ketau ne riyà da ebpuun te ke Kedesenan ne Ebpetuntul te Menusiyà, su sikandin se ebayàbayà ke endei rin ibehey arà se ketau.

1 Kurintu 12:17

Su upama ke langun ne lawa te etew ne mata rà, ne kenà ebpekerineg sikandin. Ne upama ke langun ne lawa te etew ne telinga rà, ne kenà ebpekearek sikandin.

1 Kurintu 12:19

Su kenà en lawa embiya elin-elin dà mata, etawa elin-elin dà telinga.

1 Kurintu 12:24

Ugaid ne ruen menge pepatà te lawa ta ne meupiya ne edtengtengen misan kenà ta en edtelevan te meupiya. Iyan kineveeli te Eleteala dut te lawa ta te iring kayi su apey ta metuganur te meupiya arà se menge pepatà te lawa ta ne iring te reisek se egkeetahan din dut te ruma ne pepatà te lawa ta.

1 Kurintu 12:28

Ne uman seveka rut te sikitew ne ubpu en te lawa rin, ne mibehayan en te Eleteala te kandin ne helevek. Ne ke neuna ne mid-ulaula te Eleteala ne mibpemilì te menge kedserihan din ne ebpemesabut dut te Meupiya ne Tudtul. Ne ikeruwa, ne imbehey rin ke helevek dut te menge etew ne ebpelambas te lalag din. Iketelu, ne imbehey rin ke helevek dut te menge etew te kebpenurù te lalag din. Ne edtundug ketà ke menge etew ne ebaal te mekegeyip wey ke menge etew ne ebpemawì te ebpenderaru wey ke edtavang te menge ruma ran wey ke ebpeneheewit te ruma ran ne mibperetiyaya ki Hisus wey ke edlalag te kinehiyan ne kenà dan egkesebutan.

1 Kurintu 15:38

Ne intahù en te Eleteala te itungan din ke engkey se paras te lawa ne egkepakey te uman eberangan te lahas ne impemula. Uman senge lahas ne benì ne ruen en kandin ne kebpeparas te lawa rin embiya edtuvù en.

1 Kurintu 3:5

Na maa engkey key? Su sikami ki Epulus ne etew red ne midsuhù te Eleteala su apey kew ebpekeperetiyaya kandin. Su sikami ne edtuman key rà dut te ibpehelevek te Eleteala kenami.

Ipisu 1:5

ne kiyug din ne egkevaluy kiyu ne kandin ne tuney ne anak ibpepevayà dut te kebpebpatey ni Hisus su arà ke kandin ne kiyug.

Ipisu 1:9

ne kayi ve ne ebpekesabut kiyu en te Eleteala te netahù te itungan din ne in-eles din pehaney ke engkey se netahù te itungan din ne edtumanen din dut te kedsuhù din ki Hisu Kristu.

Imperayag 4:11

“Na, ke Kerenan dey ne Eleteala, mepmepurù ka, tembù be edeyuen ka wey egkeedatan, su ke gehem nu ne dekdekelà. Su sikuna se midlimbag dut te langun taman, uya, nebiviyag dan su sabap dut te kiyug nu.”