1 Kurintu 11:5 - Ke meupiya ne tudtul mekeatag ki Hisu Kristu

⁵ Ugaid ne embiya ruen meritan ne ebpengeningeni etawa ebpenudtul te impesabut kandin te Eleteala, ne medtutungatub sikandin. Su embiya kenà ne nepegkeyà din su warà adat din te esawa rin ne ebayàbayà kandin. Su mekeyeyà ke meritan ne kenà edtutungatub su iring dut te meritan ne mibpetevungew.

1 Kurintu 11:5 ပူးပေါင်းရင်းမြစ်များ

Lucas 2:36

Ne ruen dema meritan ne mibpelambas te Lalag te Eleteala ne ed-ingaranan ki Ana, anak ni Panuwil, ne kevuwaran ni Asir. Lukes en nevenar ini se meritan ne nekeesawa taman te pitu rà ne rahun

Nenged-ulaula 2:17

‘Ne ibpelumun ku te langun ne menusiyà ke Kedesenan ne Ebpetuntul te Menusiyà ketà te mehaan en egkeuma ke mewri ne hewii. Ne ke inenakan niyu ne menge meama wey meritan ne ibpesabut te menge etew ini se lalag ku. Ke menguwed ne menge meama ne ruen ibpekita ku kandan, ne ke lukes ne menge meama ne ruen ibpetehinep ku kandan.

Nenged-ulaula 21:9

Ne ruen epat ne menge anak din ne raha ne mibehayan te Eleteala te helevek te ebpayag dut te Lalag te Eleteala diyà te menge etew.

1 Kurintu 11:4

Engketà be ne embiya egkevurun kew riyà te baley ne ebpengeningeniyan ne ruen meama ne ebpengeningeni etawa ebpenudtul te impesabut kandin te Eleteala, ne iyan iya se kenà edtutubew. Su embiya ruen tubew rin, ne nepegkeyà din su warà adat din ki Hisu Kristu ne ebayàbayà kandin.

1 Kurintu 11:6

Ketà be ne embiya kenà sikandin egkiyug ne ruen tungatub din, ne iyan tumù ne ebpetevungew sikandin su negidsan ded. Ugaid ne embiya egkeyeyaan sikandin te ebpetevungew, etawa ebpetamped, ne medtutungatub sikandin embiya riyà te baley ne ebpengeningeniyan.

1 Kurintu 14:34

ne ke menge meritan ne kenà iyan ebpenurù ke egkevurun kew riyà te baley te Eleteala te ebpengeningeni. Kenà dan ebpekepenurù su ruen impesurat diyà te penduan te menge Hudiyanen ne kenà egkepakey ne ke meama ne iyan egkamal ke meritan.