1 Kurintu 11:31 - Ke meupiya ne tudtul mekeatag ki Hisu Kristu

³¹ Embiya ed-unaan ta te ed-usisa ke hinawa ta su apey ta kenà ed-ul-ulaan ke meraat, ne warà idusa te Eleteala keyta.

1 Kurintu 11:31 ပူးပေါင်းရင်းမြစ်များ

1 Kurintu 11:28

Tembù be ke etew ne ed-amung te egkaan wey ed-inum dut te kedtanudtanud te kinepatey ni Hisus, ne iyan iya se usisaa rin pà ke hinawa rin, ne arà pà ne egkepakey ne ed-amung sikandin te egkaan wey ed-inum ketà.

1 Kurintu 11:30

Su ini ke puunan te merakel keniyu se ebpenderaru, ne merakel keniyu se meluvey se lawa, ne merakel se mibpematey en su atag dut te kedusa te Eleteala.

1 Kurintu 11:32

Ugaid ne embiya sikitew ne mibperetiyaya ki Hisus se edusaan te Eleteala, ne iyan din ed-ul-ulaan ini su apey ki kenà ebpekelaus te ed-ul-ulaan ta ne meraat ne kenà ki ebpekeamung dut te menge etew ne kenà ebperetiyaya ne edusaan din te apuy ne rakà.

1 Juan 1:9

Ugaid ne embiya ebpehimbenar ki riyà te Eleteala te ruen salà ta, ne ebpeseharen din ini se salà ta ne ed-ihewanan din ke hinawa ta rut te langun ne ulaula ta ne meraat. Su ini se migkahi rin ne edtumanen din ini se impasad din.

Imperayag 2:5

Tentenuri niyu ke dekelà ne limù niyu kedì dut te pehaney, ne pedsendit kew dut te meraat ne ed-ul-ulaan niyu guntaani ne lived kew dut te neuna ne limù niyu kediey. Su embiya kenà kew ebpedsendit, ne ebeyaan ku sikiyu ne id-awà ku ke sulù niyu diyà te netehuan din.