1 Kurintu 11:27 - Ke meupiya ne tudtul mekeatag ki Hisu Kristu

²⁷ Ne embiya ruen etew ne ed-amung te egkaan kayi te pan wey ed-inum kayi te inumen ugaid ne warà meketahù te itungan din ke meana kayi, ne nekesalà sikandin su warà din edati ke lawa ni Hisus wey ke lengesa rin ne neketudà atag kandin.

1 Kurintu 11:27 ပူးပေါင်းရင်းမြစ်များ

Mateo 22:11

“Midlusud ini se datù ne mibair te kevurunan su ed-intengan din ke menge etew ne midtelavuk ne nekita rin ini se senge etew ne warà mekebevelegkas te belegkas ne idtelavuk te kewingan.

Juan 6:51

Siaken ke tidtu ne egkeenen ne riyà ebpuun te langit ne ebpekevehey te umur. Ke etew ne egkaan kayi ne warà kemetayen te himukud din. Su ke egkeenen ne ibehey ku ne ini en iya se lawa ku su apey ebpeketelimà ke langun ne etew kayi te ampew te dunya te umur ne warà edtemanan din.”

1 Kurintu 10:21

Su kenà egkepakey ne ebpekeamung kew te ed-inum dut te ed-inumen ne tuus te mibperetiyaya kew ki Hisu Kristu, ne arà pà ne ed-inum kew rema dut te ed-inumen ne indrenà ne siparat diyà te menge busew. Ne kenà egkepakey rema ne egkaan kew te pan ne tuus te mibperetiyaya kew ki Hisu Kristu, ne arà pà ne egkaan kew rema dut te egkeenen ne indrenà ne siparat diyà te menge busew.

1 Kurintu 11:29

Su embiya ruen ed-amung te egkaan wey ed-inum ketà ugaid ne warà din mepegitung te ini ne tuus te kinepatey ni Hisus ke Kerenan tew, ne riyà ded ke puunan te kandin te kedusai te Eleteala kandin.

Hibruhanen 10:29

Ne embiya iring ketà se egketemanan dut te etew ne midsurang dut te penduan ni Moises, ne labi pà se kedusai rut te etew ne ed-engkenà ki Hisus ke Anak te Eleteala! Su ketà ne impekita rin se warà din peberepentaha ke lengesa ni Hisus ne imbehey te kinepatey ni Hisus su apey egketuman ke behu ne pasad te Eleteala ne ebpeketilak dut te salà din. Uya, labi pà se kedusai kandin su iring te pinegkeyà din ke Kedesenan ne Ebpetuntul te Menusiyà ke ebpayag dut te tavang te Eleteala kenitew.