1 Kurintu 11:2 - Ke meupiya ne tudtul mekeatag ki Hisu Kristu

² Na ruen ed-ul-ulaan niyu ne meupiya su warà niyu lipati ke impenurù ku keniyu, ne edtumanen niyu rema ke insuhù ku keniyu.

1 Kurintu 11:2 ပူးပေါင်းရင်းမြစ်များ

Lucas 1:6

Ne ini se senge tiwelayan ne metidtu se hinawa ran diyà te etuvangan te Eleteala ne warà igkesawey kandan dut te kedtuman dan te langun ne suhù wey penduan te Eleteala.

1 Kurintu 11:17

Na ruen pà egkehiyen ku keniyu ugaid ne ini se egkehiyen ku ne kenà ku ideyù keniyu, su ketà te kevurunan niyu te ebpengarap te Eleteala ne iring te warà atag din su arà se kegkevurun niyu ne tuwas pà ne meraat se ebeelan niyu dut te meupiya.

1 Kurintu 11:22

Meambe ke kenà kew riyà dà egkaan te baley niyu? Ne meambe ke warà adat niyu dut te menge ruma niyu ne mibperetiyaya te Eleteala abpeg ke kebpegkeyà niyu dut te menge ayuayu? Menu, edeyuen ku sikiyu ketà te ulaula niyu? Kenà en iya!

1 Kurintu 15:2

Ne egenat dut te ini se Meupiya ne Tudtul ne impenurù ku keniyu ne ebpekeliyu kew rut te kedusa te Eleteala keniyu embiya ibpeiseg niyu ke kegawed niyu te mevaher wey kenà meluvey se kebperetiyaya niyu ki Hisus.

1 Kurintu 4:17

Tembù be midsuhù ku si Timoteo keniyan te keniyu. Iring sikandin te tidtu ne anak ku kayi ebpuun te kebperetiyaya rey ki Hisu Kristu. Egkeserihan din kayi te keduma rin te Kerenan tew, tembù be midsuhù ku sikandin su ebpetentenuran din keniyu ke engkey se ed-ul-ulaan te keduma ku ki Hisus, ne ini ke ibpenurù ku te menge mibperetiyaya te misan endei a ebpesinaru ne inged.

1 Kurintu 7:17

Ne misan engkey se ketau ne imbehey te Eleteala te uman senge etew keytew te warà kiyu pà mebperetiyaya, ne iyan meupiya ne idlaus ta arà dut te kebperetiyaya ta. Ini se ibpenurù ku dut te langun ne egkevurun ne mibperetiyaya te misan endei ne inged ne ebpesineruwan ku.

1 Tiselunika 1:6

Ne sikami se mid-iringan niyu wey ke Kerenan tew ne si Hisu Kristu. Ne miduma kew rut te insuhù ne Lalag te Eleteala misan mibpekesekitan kew, su nengehalew kew egenat dut te Kedesenan ne Ebpetuntul te Menusiyà.

1 Tiselunika 3:6

Na guntaani ne mid-ulì en si Timoteo se ed-ewit te meupiya ne tudtul mekeatag keniyu. Su impenudtul din te mid-iseg pà ke kebperetiyaya niyu wey engketà ded dema ke kedlimù niyu dut te menge ruma niyu. Ne impenudtul din ded te layun niyu red egketenuri te sikami ne egkiyuhan niyu te ebpekibalak, iring te sikami rema ne egkiyuhan dey ne ebpemekegkita kiyu.

2 Tiselunika 2:15

Tembù be, menge suled, beg-eta niyu ke kebperetiyaya niyu, ne geweri niyu te meilut ke benar ne impenurù dey te keniyan key pà te keniyu wey ke penurù ne insurat dey keniyu.

2 Tiselunika 3:6

Menge suled, duen pà duma ne idsuhù dey keniyu su ini se insuhù dut te Kerenan tew ne si Hisu Kristu te kenà kew ebpekiduma rut te menge ruma niyu ne pehulen ne kenà eduma dut te impenurù dey keniyu.