1 Kurintu 11:1 - Ke meupiya ne tudtul mekeatag ki Hisu Kristu

¹ Engketà be, ne iringi niyu ke ulaula ku iring dut te kineiringi ku te mid-ulaula ni Hisus.

1 Kurintu 11:1 ပူးပေါင်းရင်းမြစ်များ

1 Kurintu 10:33

Iringi niyu ke ed-ul-ulaan ku su layun ku ebpemengaa ke ralan te kegketevangi ku te langun ne menge etew. Su kenà ku iyan ebpegitungen se kedì dà ne keupianan, ugaid ne ke keupianan dut te langun ne menge etew. Su iyan ku ked-ulaula kayi su apey ku egkepeneheewit sikandan te kebperetiyaya ki Hisus ne ebpekeliyu ran dut te keberedusaan dan.

1 Kurintu 4:16

Ne geina te iring te siaken ke amey niyu, ne ebuyuen ku te iyan a iringi nikiyu.

Pilipus 3:17

Menge suled ku, iyan niyu iringi ne ulaula ku. Impekita rey keniyu ke nekesuhat ne ulaula, tembù be sipata niyu ke menge etew ne eduma en kayi.

1 Tiselunika 1:6

Ne sikami se mid-iringan niyu wey ke Kerenan tew ne si Hisu Kristu. Ne miduma kew rut te insuhù ne Lalag te Eleteala misan mibpekesekitan kew, su nengehalew kew egenat dut te Kedesenan ne Ebpetuntul te Menusiyà.

2 Tiselunika 3:9

Ne kenà te warà kevenar dey te ebuyù keniyu. Su iyan warà dey kebuyù te igkeuyag dey riyà te keniyu su apey kenà arà se ed-iringan niyu, ugaid ne arà se helevek dey se ed-iringan niyu.

Hibruhanen 6:12

Tembù be kenà kew ebpepepehul te keduma niyu te Eleteala, ugaid ne iringi niyu ke ulaula te menge etew ne mevaher se sarig dan te kedtehad dan dut te impasad te Eleteala kandan.