1 Kurintu 10:27 - Ke meupiya ne tudtul mekeatag ki Hisu Kristu

²⁷ Ketà ne embiya ruen duma nu ne kenà ebperetiyaya ki Hisus ne ed-inggat keykew te egkaan diyà te valey rin ne egkiyug ka, ne keena nu misan engkey se ibpekaan din keykew. Ne kenà ke en penginginsà ke endei ebpuun su apey warà ibmesakit te hinawa nu.

1 Kurintu 10:27 ပူးပေါင်းရင်းမြစ်များ

Lucas 15:23

Engaya niyu ve arà se nati te sapì ne pinelambù ne sumbelia niyu su ebair ki te kevurunan.

Lucas 19:7

Nerineg kayi te merakel ne etew ini se migkahi ni Hisus ki Sekiyu ne mibpemeviyig dan se egkahi te, “Meambe ke miduma si Hisus diyà te valey te etew ne mekesesalà?”

1 Kurintu 10:25

Tembù be egkehiyen ku te egkepakey ne egkaan kew te usa ne idehang diyà te pedian asal kenà eduwaruwa se hinawa niyu wey kenà kew ebpenginginsà ke embiya indrenà arà ne siparat diyà te kenà tidtu ne ebpengerapan.

2 Kurintu 1:13

Langun te idsurat dey keniyan te keniyu ne egkevasa niyu wey egkesebutan niyu su warà duma ne udsud ketà te surat ne nekeeles. Gunteani ne ruen en egkesebutan niyu mekeatag te betasan dey, ugaid ne egkiyuhan dey ne egkeumanan pà lavew taman te kenà egkeuma ke hewii te kedlived ni Hisu Kristu ke Kerenan tew su apey igkehalew key niyu iring dut te kegkehalew rey keniyu.

2 Kurintu 4:2

Ayan se ibpegelesà ne ulaula ne ebpekeyeyà ne mid-engkeran dey. Kenà dey ed-ul-ulaan se kebpegekalà. Kenà dey edsembian ke Lalag te Eleteala, ugaid ne iyan dey egkehiyen ne ke benar. Iyan dey rà ed-ul-ulaan ne ibpekita te menge etew te warà meraat ne itungan dey, ne netuenan ini te Eleteala su sikandin se ed-usisa te langun ne ulaula rey.

2 Kurintu 5:11

Geina te netuenan dey se kedtimbanga ni Hisu Kristu ke Kerenan tew ne mekeandek, ketà be ne egkiyuhan dey ne egkepuyuk ke langun te kebperetiyaya kandin. Ne netuenan te Eleteala se metidtu ini se ed-ul-ulaan dey, ne egkiyuhan dey ne egketuenan niyu rema.