1 Kurintu 10:10 - Ke meupiya ne tudtul mekeatag ki Hisu Kristu

¹⁰ Ne duen pà lavew ruma, ne kenà ki ebpemivig mekeatag te ed-ul-ulaan te Eleteala. Su arà ke mid-ulaula rut te ruma ne menge apù tew rengan ne mibpeveyaan dan te Eleteala te suluhuen din te ed-imatey kandan.

1 Kurintu 10:10 ပူးပေါင်းရင်းမြစ်များ

Nenged-ulaula 12:23

Arà dà ne pinedaru en sikandin dut te suluhuen te Kerenan su iyan din kiyug ne sikandin se edeyuen te menge etew, ugaid ne iyan edait perem ne edeyuen ne Eleteala. Ne midtegkayan ini se lawa rin, na minatey en.

Pilipus 2:14

Ne kayi te langun ne ed-ul-ulaan niyu, ne ul-ulaa niyu te warà pemivihan ne kenà kew pekidlawan,

Hibruhanen 11:28

Ne sabap te sarig din dema te Eleteala ne iyan din midumaan ke insuhù te Eleteala kandin. Tembù be ebpetenuran din te menge Hudiyanen ke ed-ingaranan te “Kedsahad te Suluhuen te Eleteala.” Su edsumbalì dan te bilibili ne ibpirik ke lengesa rin diyà te gumawan te menge baley ran su apey edsehari rà te suluhuen te Eleteala ne kenà ed-imetayan ke pengenayan ne anak dan ne meama.

Hudas 1:16

Ini se menge etew ne ed-engkenà dut te benar, ne merehen egkesukul se hinawa ran wey metehel ne ebpemivig. Iyan den dà edumaan ke meraat ne kiyug te lawa ran. Sahad se kepereyù dan, ne metau ran ne edlana te hinawa te ruma ran su dalan ini te kedsikep dan.

Imperayag 16:1

Rutun ne ruen nerineg ku riyà te Nekebpuru ne Baley te Eleteala ne midlalag diyà te pitu ne suluhuen te Eleteala. “Pendiyà kew te ampew te dunya,” ke sikandin, “ne ulai niyu ini se intahù te pitu ne bulawan ne lediyà su ini ke kegkeepes te Eleteala.”