1 Kurintu 1:26 - Ke meupiya ne tudtul mekeatag ki Hisu Kristu

²⁶ Na menge suled, tentenuri niyu ke ulaula niyu rengan te warà kew pà mibperetiyaya te Eleteala. Su merelag keniyu se metikang se nesebutan din, merelag keniyu se nevehayan te ketehel, ne merelag keniyu se menge anak te berebansa ne etew, ugaid ne nepemilì kew red te Eleteala te ebperetiyaya kandin.

1 Kurintu 1:26 ပူးပေါင်းရင်းမြစ်များ

Lucas 1:3

Na Teofilo, langun ini ne ned-ulaula ne midsusi ku up-upiani, tembù be netahù te itungan ku se edsuratan ku sikuna kayi te ned-ulaula endei se kegkeatur din.

Lucas 10:21

Ketà ne hewii ne mibpehalew si Hisus dut te kedlumun te Kedesenan ne Ebpetuntul te menusiyà ne mideyù din ke Eleteala se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan dan, ne in-eles nu ini se ketau nu rut te menge etew ne dekelà se netuenan dan. Uya, dekelà se kedeyù ku keykew, Amà, te ini se mid-ulaula nu su ini ke kiyug nu.”

Nenged-ulaula 13:12

Guna su nekita rut te gubinedur arà se ned-ulaula ni Elimas ne mibperetiyaya en sikandin. Su negeyip nevenar dut te impesabut ni Pablo kandin mekeatag dut te Lalag te Kerenan.

Nenged-ulaula 13:7

Ne sepekat sikandin ni Sergio Peulu ne gubinedur te ini ne punul. Metampas ne ebpegitung si Sergio, ne impepengkayi te turuhan din si Bernabe wey si Saulo su egkesuat sikandin ne ebpemineg te Lalag te Eleteala.

Nenged-ulaula 17:34

Duen menge etew ketà ne mibperetiyaya ki Hisus ne miduma ki Pablo. Iyan si Dionisio ne senge etew rut te kunsiyal, elin dema ini se meritan ne ed-ingaranan ki Demaris, wey ruen pà duma ne mibperetiyaya ketà.

Ruma 11:29

Su nepemilì dan te Eleteala ne mibpenaub din sikandan, ne kenà din ed-ewien ke penaub din kandan su ke itungan te Eleteala ne kenà edsambìsambì.

1 Kurintu 1:20

Embiya iring ketà se ed-ul-ulaan te Eleteala, ne egkemenumenu ke etew ne meralem se kebpegitung din, wey ke etew ne midtau dut te penduan ni Moises, wey ke etew ne lelayun edtavan dut te kebpelewlewanà? Su impayag en te Eleteala se ayan be ne itungan ne warà en iya rantek din diyà te kandin su kayi rà ayan ne ketau te ampew te dunya.

1 Kurintu 2:13

Engketà be ne iyan dey ibpemesabut ne kenà kayi rà ebpuun te ketau te etew, su iyan dey ibpemesabut ke impenurù kenami rut te Kedesenan ne Ebpetuntul te Menusiyà. Uya, edseysayen dey ke tidtu ne penurù mekeatag te Eleteala rut te menge etew ne netehuan en te Kedesenan ne Ebpetuntul te Menusiyà.

1 Kurintu 2:8

Ne ayan se menge etew ne nevehayan te ketulengeran kayi te dunya ne warà dan mesebuti ke netahù te itungan te Eleteala, su embiya nesebutan dan ne warà dan peimetayi si Hisu Kristu ke mekegehem ne Kerenan tew.

Pilipus 4:22

Langun ne menge sakup te Eleteala kayi te inged ne Ruma labi en ke menge suled tew ne egelevek kayi te turuhan ni Caesar ke datù kayi ne langun dan se ebpenginginsà keniyu rema.

Santiago 2:5

Na menge suled ku ne igkelimù ku, pemineg kew kayi te egkehiyen ku. Misan ke kearen dut te menge ayuayu kayi te ampew te dunya ne reisek dà, ne sikandan dema iya ke menge etew ne nepemilì te Eleteala su apey ke sarig dan kandin ne edekdekelà, ne sikandan dema se edlusud dut te Edetuan din su ini se impasad din dut te langun ne egkelimù kandin.

2 Juan 1:1

Siaken se edsurat ini ne pekilukesen dut te menge mibperetiyaya ki Hisus. Ne idsurat ku ini riyà te keykew ne meritan ne nepemilì te Eleteala wey ke menge anak nu. Su rekelà ku sikiyu te hinawa, ne kenà siaken dà se rekelà se hinawa rin keniyu su langun ne nekesabut en dut te benar ne penurù mekeatag ki Hisus ne rekelà kew red dema nikandan te hinawa.