1 Kurintu 1:22 - Ke meupiya ne tudtul mekeatag ki Hisu Kristu

²² Su ke menge Hudiyanen ne kenà dan ebperetiyaya dut te Meupiya ne Tudtul ke embiya kenà dan egkekita ke mekegeyip ne tuus te gehem te Eleteala. Ne ke menge Gerisiyanen ne iyan dan ebperetiyayaan arà se etew ne metampas se itungan din.

1 Kurintu 1:22 ပူးပေါင်းရင်းမြစ်များ

Marcos 8:11

Guna su nekerunggù dan, ne ruen en menge Peresiyu ne mibpengkayi te ki Hisus se ebpekidlewanà kandin su ebeelan dan te litag si Hisus. Ne mibuyuan dan sikandin te mebpekita te mekegeyip ne tuus te sikandin ke benar ne midsuhù te Eleteala.

Lucas 11:16

Ne ruen pà ruma ne ebpenggeram ki Hisus ne mibuyuan dan si Hisus te mebpekita kandan te mekegeyip su apey ran egketueni ke riyà ebpuun si Hisus te Eleteala.

Lucas 11:20

Ugaid ne iyan benar ne riyà ebpuun te Eleteala ini se gehem ku te ebpenegseg te vusew. Ne kayi ve ne egketuenan niyu te neuma en ke hewii te Kedatù te Eleteala keniyu.”

Juan 2:18

Ne rutun ne mid-insaan si Hisus te egkeunutan te menge Hudiyanen te, “Engkey ve se mekegeyip ne ibpekita nu ne tuus te mibehayan ka te gehem te Eleteala te iring ketà ne mid-ulaula nu?”

Juan 4:28

Arà dà ne intelau en dut te meritan ke idsekeru rin ne mid-ulì en. Nekeuma rà sikandin ne impemenudtul din en dut te menge etew.

Juan 4:48

Nerineg dà ni Hisus ne migkehiyan din en te, “Embiya kenà kew ebpekekita te tuus ne ebpekegeyip ne kenà kew ebperetiyaya.”