1 Kurintu 1:19 - Ke meupiya ne tudtul mekeatag ki Hisu Kristu

¹⁹ Su ruen impesurat ne Lalag te Eleteala ne egkahi te, “Ke itungan dut te etew ne ruen sinebutan din dut te itungan te menge etew, ne edereetan ku. Ne ke etew ne metau ne ebpegitung te meralem, ne ibpayag ku te arà se ketau rin ne warà pantag din kediey.”

1 Kurintu 1:19 ပူးပေါင်းရင်းမြစ်များ

1 Kurintu 3:19

Su riyà te etuvangan te Eleteala ne arà se ketau te menge etew kayi te ampew te dunya ne warà rantek din. Su iring te impesurat ne Lalag te Eleteala ne egkahi te, “Ke ketau te etew ne arà en iya ke kebpekelitag te Eleteala dut te menge etew ne ebpegitung te ruen ketau rin.”

1 Kurintu 4:10

Ne kayi te keduma rey ki Hisus, ne egkahi ke menge etew te kenà key metau ne ebpegitung. Ugaid ne sikiyu, ne egkahi kew te metampas kew rut te netuenan niyu te Eleteala. Ne sikami kun ne warà gaga rin, ugaid ne iyan niyu pegitungan ne ruen gaga niyu. Ne sikami ne edsusudian, ugaid ne sikiyu ne ed-edatan.

1 Kurintu 4:6

Menge suled, ini se ebpenerengen te Eleteala dut te edsugsuhuen din ne insempità ku kayi te helevek dey ki Epulus su keupianan niyu. Su kiyug ku ne eduma kew ketà te inledawan dey su apey kew kenà edlangkad dut te Lalag te Eleteala ne impesurat din ne kenà duen dà se egkeedatan dut te ruma ran. Su kayi te menge sugsuhuen te Eleteala embiya ruen ed-edatan niyu dut te ruma rin, ne warà kew en meduma te Lalag te Eleteala.