1 Kurintu 1:18 - Ke meupiya ne tudtul mekeatag ki Hisu Kristu

¹⁸ Ne ke menge etew ne egkerandung diyà te kenerekaan, embiya ebpekerineg dan dut te Meupiya ne Tudtul mekeatag te kinepatey ni Hisu Kristu riyà te pinebelavag ne kayu atag dut te salà dan, ne iyan dan kebpegitung ne warà rantek din. Ugaid ne sikami ke mibperetiyaya ki Hisus, ne netuenan dey te ini ne ibpekita te Eleteala te gehem din te kebpeliyu rin keyta dut te kedusa te salà tew.

1 Kurintu 1:18 ပူးပေါင်းရင်းမြစ်များ

Nenged-ulaula 13:41

‘Sikiyu ne menge edsumpalit su kenà kew ebperetiyaya, ne uram kew! Su egkegeyip kew te ebeelan ku, ne ebpematey kew, ke se Eleteala. Su ruen ebeelan ku te biviyag kew pà ugaid ne kenà niyu ebperetiyayaan, misan duen ebpemenudtul keniyu.’”

Nenged-ulaula 17:18

Ne ketà ne ruen menge meyterù ne ed-ingaranan te Epikuranu wey ruma ne ed-ingaranan te Estuwiku ne mibpekidlalag kandin. Duen duma ne mid-insà te, “Engkey vuwa se egkehiyen kayi te ini se ed-iring uvag te ruen nesebutan din?” Ne duen duma ne migkahi te, “Iyan din beneng edlelahen ne mekeatag te menge diwata diyà te meriyù ne inged.” Tembù migkahi ran ini su impesabut ni Pablo ke Meupiya ne Tudtul mekeatag ki Hisus wey ke kegkevanew rin.

Nenged-ulaula 17:32

Guna su nerineg dan ini se nekahi ni Pablo mekeatag te kegkevanew dut te minatey, ne ruen duma ne midsumpalit. Ugaid ne ruen dema migkahi te, “Igkesuat dey pà maa te ebpemineg te kedseyseya nu mekeatag kayi.”

Nenged-ulaula 2:47

Ne mideyù dan te Eleteala, ne egkeedatan dan dut te langun ne menge etew. Ne uman gewii ne ruen menge etew ne mibperetiyaya ki Hisus ke Kerenan tew ne ini ne menge etew ne ingkeuman te Kerenan dut te langun ne mibperetiyaya.

Ruma 1:16

Ne kenà ku en iya igkeyeyai te ebpemenudtul arà, su netuenan ku te misan engkey en ne etew ne ebperetiyaya, egenat te Hudiyanen abpeg ke kenà Hudiyanen, ne ruen gehem te Eleteala te ebpekepeliyu sikandin te kedusa te salà din.

1 Kurintu 1:21

Su ayan ne menge ketau te itungan ne kenà ayan ke ralan ne kegkesebuti tew te Eleteala. Ugaid ne ke puunan te ralan te kegkeriweswasi tew te Eleteala ne riyà ded ebpuun te kandin ne eturan. Ini se eturan din ne ebpekepeliyu keytew atag dut te kebperetiyaya tew rut te Meupiya ne Tudtul ne impemesabut dey, misan ini se impemesabut dey ne warà kun rantek din.

1 Kurintu 15:2

Ne egenat dut te ini se Meupiya ne Tudtul ne impenurù ku keniyu ne ebpekeliyu kew rut te kedusa te Eleteala keniyu embiya ibpeiseg niyu ke kegawed niyu te mevaher wey kenà meluvey se kebperetiyaya niyu ki Hisus.

1 Kurintu 2:14

Ugaid ne ke menge etew ne kenà ebperetiyaya ne warà pà metehui te Kedesenan ne Ebpetuntul te Menusiyà, ne kenà dan ebpeketelimà dut te ibehey te Kedesenan ne Ebpetuntul te Menusiyà. Ne kenà dan ma egkesebutan su iyan dan pegitungan ne warà pantag din. Uya, kenà dan ebpekesabut ketà su warà pà meketahù diyà te hinawa ran ke Kedesenan ne Ebpetuntul te Menusiyà ne edtavang kandan su apey ran egkesebuti.

1 Kurintu 2:2

Su seveka rà se neketahù te itungan ku ne ibpesabut ku keniyu ne ini se tudtul mekeatag ki Hisu Kristu, labi en ke kinepatey rin diyà te pinebelavag ne kayu ke midlensangan kandin.

1 Kurintu 3:19

Su riyà te etuvangan te Eleteala ne arà se ketau te menge etew kayi te ampew te dunya ne warà rantek din. Su iring te impesurat ne Lalag te Eleteala ne egkahi te, “Ke ketau te etew ne arà en iya ke kebpekelitag te Eleteala dut te menge etew ne ebpegitung te ruen ketau rin.”

1 Kurintu 4:10

Ne kayi te keduma rey ki Hisus, ne egkahi ke menge etew te kenà key metau ne ebpegitung. Ugaid ne sikiyu, ne egkahi kew te metampas kew rut te netuenan niyu te Eleteala. Ne sikami kun ne warà gaga rin, ugaid ne iyan niyu pegitungan ne ruen gaga niyu. Ne sikami ne edsusudian, ugaid ne sikiyu ne ed-edatan.

2 Kurintu 10:4

Su ini se iring metarem dey ne id-atu rey te meraat, ne kenà kebpekidlawan ne kayi rà ebpuun te itungan te etew ugaid ne riyà egenat te gehem te Eleteala ne warà repeng din. Su ini se metarem dey ne kenà egkeetuwan te misan engkey ne kebpekidlawan te kunterà te Eleteala, misan engkey se kevaher din.

2 Kurintu 4:3

Su ini se Meupiya ne Tudtul ne ibpemesabut dey, ne embiya nekeeles ini ne riyà dà mekeeles dut te menge etew ne warà medtelimà te kebpekeliyu ran dut te kepepatey ne warà edtemanan din.

1 Tiselunika 1:5

Netuenan dey ini su ke kebpemesabut dey dut te Meupiya ne Tudtul riyà te keniyu ne kenà kayi te lalag dey rà, ugaid ne midumaan dut te gehem te Kedesenan ne Ebpetuntul te Menusiyà. Ne neheram niyu ini, tembù be mibperetiyaya kew rut te kebpemesabut dey. Ne nekita niyu rema ke meupiya ne betasan dey te riyà key med-ubpà te keniyu su langun ne mid-ulaula rey ne ke keupianan niyu.

Hibruhanen 12:2

Ne kenà kiyu ebpenlingìlingì te keduma tew ki Hisus su sikandin ke ed-iringan tew su sikandin ke rudsuan te kedsarig tew wey sikandin ded ke edtemanan. Midtigkeran din en ke keresayen te kinelensanga kandin diyà te pinebelavag ne kayu, ne warà din ingkeyeyai te ked-imetayi ran kandin ketà su netuenan din te ruen igkehalew rin embiya egkeipus din ini se helevek din te ebpeliyu kenitew. Ne guntaani ne ebpepinuuwen en sikandin diyà te egkekewanan ketà te ebpinuuwan te Eleteala ne edatù.

Hibruhanen 4:12

Ke Lalag te Eleteala ne ebpekeiring te biviyag su mekegehem. Ne lavi pà se keharang te Lalag te Eleteala dut te memeharang ne sundang ne idtibas te etew ne medmeralem se id-uteng din. Ebpekeiring ketà su idtempayar din ke itungan wey ke kiyug dut te menge etew ne ed-eles te hinawa rin.