1 Juan 5:7 - Ke meupiya ne tudtul mekeatag ki Hisu Kristu

⁷ Ketà ne tetelu ini se ebpesabut keyta te si Hisu Kristu ke Anak iya te Eleteala:

1 Juan 5:7 ပူးပေါင်းရင်းမြစ်များ

Mateo 17:5

Edlalag pà si Pedro, ne ruen mermerayag ne sehulapun ne nekelikuvung kandan ne ruen suwara ne ketà ebpuun te sehulapun ne migkahi te, “Ini ke Anak ku ne igkelimù ku nevenar, ne ebpekesuhat nevenar sikandin te hinawa ku. Pemineha niyu ke edlelahen din!”

Mateo 18:16

Ugaid ne embiya kenà ebpehimbenar sikandin, ne kuwa ka te senge etew etawa deruwa ne etew ne ebpeketitihus te kebitiyara niyu apey niyu egkerumai ke impesurat ne Lalag te Eleteala.

Mateo 28:19

Na, pendiyà kew te langun ne menge etew kayi te ampew te dunya ne penurua niyu sikandan ke memenu se kebpesakup dan kediey. Ne pembunyahi niyu ke menge etew ne ebpesakup kediey te tuus te keduma ran te Eleteala, wey siaken ke Anak din, wey ke Kedesenan ne Ebpetuntul te Menusiyà.

Juan 1:1

Rengan te warà pà limbaha ini se misan engkey en, ne raan en ketà ke mid-ingaranan te Lalag. Ne iyan kineingarani kandin ne Lalag su igkepayag din ke langun ne netahù te itungan te Eleteala. Ne raan sikandin ne ruma te Eleteala su Eleteala red dema sikandin.

Juan 10:30

Su seveka key rà dut te Amey ku ne Eleteala.”

Juan 12:28

Ne ketà ne migkahi en sikandin dut te amey rin te, “Amà, ipekita nu ke bentuhan nu kayi te menge etew!” Ne ruen en suwara ne riyà ebpuun te langit ne migkahi te, “Impekita ku en ke kegkevantug ku ketà te mid-ulaula nu, ne ibpekita ku pà maa ini se kegkevantug ku kayi te ed-ul-ulaan nu.”

Juan 14:17

Sikandin ini ke Kedesenan ne Ebpetuntul te Menusiyà ke ebpesabut keniyu te benar mekeatag te Eleteala,” ke si Hisus. “Kenà ini egketelimà te menge etew kayi te ampew te dunya ne warà medtelimà kedì su kenà dan egkekilala sikandin ne kenà dan ebpekesabut ke entei sikandin. Ugaid ne nesebutan niyu en ke entei sikandin su ebpekiduma sikandin keniyu wey diyà mid-ubpà sikandin te keniyu.

Juan 15:26

Ne migkahi pà maa si Hisus te, “Ibpepengkayi ku te keniyu arà se ed-ingeranan te Edtavang ne riyà ebpuun te Amey ku su sikandin ke Kedesenan ne Ebpetuntul te Menusiyà ne ebpesabut keniyu te benar mekeatag te Eleteala. Ne embiya ebpekeuma en sikandin kayi ne ebpesabut sikandin mekeatag kediey.

Juan 5:26

Ke Amey ku se ebpuunan te umur su sikandin se ebpekevehey te umur, ne iring ded be ketà ke kedì ne Anak din su ke gehem din ne imbehey rin kediey ne ebpekevehey e red dema te umur.

Juan 8:18

Edtitihusan ku ke kedì ne hinawa, ne ke Amey ku ne Eleteala ne midsuhù kedì se edtitihus dema mekeatag kedì.”

Juan 8:54

Ne midtavak si Hisus te, “Embiya ebantug a te hinawa ku ne warà pantag din ke bentuhan ku. Ugaid ne iyan ebantug kedì ke Amey ku ne Eleteala, ke iyan egkehiyen niyu ne Eleteala niyu.

Nenged-ulaula 2:33

Mibatun te Eleteala si Hisus ne riyà impepinuu te rapit te egkekewanan te Amey rin ne Eleteala, ne imbehey kandin dut te Amey rin ke Kedesenan ne Ebpetuntul te Menusiyà ne impasad kandin. Ne imbehey red kandin lavew ke ketengdanan te ibpepengkayi rin ke Kedesenan ne Ebpetuntul te Menusiyà dut te sikami. Ne ini se nekita niyu wey nerineg niyu ne ini se mekegeyip ne mid-ulaula dut te Kedesenan ne Ebpetuntul te Menusiyà ne imbehey rin kenami.

Nenged-ulaula 5:32

Ne sikami,” ke si Pedro, “ne ebpeketitihus key te langun kayi ne benar, abpeg dut te Kedesenan ne Ebpetuntul te Menusiyà ne edtitihus dema su ebpelumunan kandin te Eleteala ke langun ne edtuman te menge suhù din.”

2 Kurintu 13:14

Ne kiyug ku perem ne egkeheram niyu ke tavang ni Hisu Kristu ke Kerenan tew, wey ke limù te Eleteala keniyu, wey ke kebpekidseveka niyu rut te Kedesenan ne Ebpetuntul te Menusiyà ne ed-ubpà diyà te keniyu. Arà dà taman. Pablo

1 Juan 1:1

Ini se surat ku riyà te keniyu ne mekeatag ki Hisu Kristu ne iyan ed-ingaranan te Lalag ne ebpuunan te umur ne warà edtemanan din. Daan en sikandin te warà pà limbaha misan engkey en ne nelimbag. Ne ketà te mibpebaluy sikandin ne anak te menusiyà ne nekita rey ini se ed-ul-ulaan din, ne nerineg dey ke lalag din, ne midsinggur dey sikandin ne tidtu ne etew.

1 Juan 5:6

Ne si Hisu Kristu ke Anak te Eleteala ne impepengkayi te ampew te dunya. Egketuusan ini kayi te mibpebunyag te wayig wey mibpetudà te lengesa rin kayi te kinepebpatey rin. Kenà kayi rà te kebpebunyag din te wayig se tuus su kayi rema te kebpetudà din te lengesa rin. Ne ke Kedesenan ne Ebpetuntul te Menusiyà se iyan edtitihus kayi te keyta te si Hisus ke Anak iya te Eleteala, ne netuenan ta te sikandin ne kenà edlalag te tarù.

1 Juan 5:8

ruen ke Kedesenan ne Ebpetuntul te Menusiyà, ke wayig, wey ke lengesa rin ne impetudà din. Ne neuyun ini se tetelu kayi te impesabut dan keyta.

Imperayag 19:13

Ne ini se belegkas din ne iring te in-ered diyà te lengesa, ne ke ngaran din ne “Lalag te Eleteala.”