1 Juan 5:3 - Ke meupiya ne tudtul mekeatag ki Hisu Kristu

³ Su ke tuus te igkelimù tew ke Eleteala ne iyan keduma tew rut te insuhù din. Ne kenà merehen ini se keduma tew rut te insuhù din

1 Juan 5:3 ပူးပေါင်းရင်းမြစ်များ

Mateo 23:4

Ebpekevahatan dan ke menge etew te penduan ne kenà dan egkegaga te edtuman, ugaid ne warà misan deisek dà ne idtavang dan te edtuman ketà.

Juan 14:15

“Embiya egkelimù kew kediey,” ke si Hisus, “ne edtumanen niyu ini se menge suhù ku keniyu.

Juan 15:10

Embiya edtumanen niyu ini se menge suhù ku keniyu ne kenà kew egkepitas kayi te limù ku keniyu, iring ded dema kedì te midtuman ku ke menge suhù te Amey ku kediey ne kenà a rema egkepitas diyà te limù din kediey.

Juan 15:14

Ne sikiyu ke menge sepakat ku embiya edtumanen niyu ini se menge suhù ku keniyu.

Ruma 7:12

Ketà be ne warà meraat ne nekeselet dut te penduan, ugaid ne etew rà. Su langun ne insuhù te Eleteala ne keupianan dà wey ketidtu.

Ruma 7:22

Su kayi te ginawa ku ne dekelà se kiyug ku te edtuman dut te insuhù te Eleteala.

Hibruhanen 8:10

Ugaid ne ini se behu ne pasad ku ne ebeelan ku keuremà dut te menge inenakan ni Israyil, ne ibpetahù ku ini se suhù ku te itungan dan ne ibpesurat ku ini te hinawa ran su apey ran egkerumai egenat te hinawa ran. Ne ketà be ne siak ke Eleteala ne edtewehan dan, ne sikandan ke menge etew ku.

1 Juan 2:3

Ne iyan egkekita ne benar ini se mibpekidseveka ki en te Eleteala ne ini se edumaan tew te idsuhù din.

2 Juan 1:6

Su kayi te kebpelimlimuey tew ne edumaan tew ke insuhù te Eleteala kenitew. Ne ini se insuhù din kenitew ne nerineg niyu te pehaney en, ne iyan iya se ebpelimlimuey kiyu.