1 Juan 4:5 - Ke meupiya ne tudtul mekeatag ki Hisu Kristu

⁵ Su sikandan ne uvag kun ne ebpelambas te Lalag te Eleteala ne iyan dan ibpenurù ne kayi rà dè duen te itungan te menge etew te ampew te dunya. Tembù be ini se menge etew te ampew te dunya ne kenà eduma te Eleteala ne idtaan dan ke telinga ran te kegkesuat dan te ebpemineg.

1 Juan 4:5 ပူးပေါင်းရင်းမြစ်များ

Lucas 16:8

“Guna su nerineg kayi te mepurù te kedserihan ne nekekahi sikandin te, ‘Hey, metautau sikandin ne ebpenehana te keuyahan din keuremà!’” Ne migkahi en maa si Hisus te, “Ke menge etew ne kayi rà te ampew te dunya ne kenà sakup te Eleteala ne metau ne ebpekiduma rut te ruma ran su apey ruen egkekuwa ran. Ugaid,” ke si Hisus, “ke menge etew ne sakup te Eleteala ne kenà dan bes metau ne ebpenehana te akir din ne hewii riyà te langit.

Juan 17:14

Su langun ne menge lalag nu ne impesabut ku en kandan, ugaid ne ingkeepesi ran dut te menge etew kayi te ampew te dunya ne migkunterà keykew su geina te mibpekidsuwey ran dut te menge kunterà nu, iring te siaken ne warà a mebpekid-amur te menge kunterà nu.

Juan 17:16

Su sikandan ne kenà duma rut te menge etew kayi te ampew te dunya ne egkunterà kenikew,” ke si Hisus, “iring kedì te kenà a ruma dut te menge etew ne egkunterà kenikew.

Juan 3:31

Riyà ebpuun te langit si Hisus ne sikandin ke mepurù pà dut te langun. Ugaid ke etew ne kayi rà ebpuun te dunya ne menusiyà dà sikandin, ne iyan din dà edlelahen ke ulaula kayi te dunya. Ugaid sikandin arà se riyà ebpuun te langit se mepurù pà dut te langun.

Juan 8:23

Ne midtavak si Hisus te, “Sikiyu ne ini kew rà te ampew te dunya, ugaid ne siaken ne riyan a ebpuun te divavew. Uya, sikiyu ne kayi kew ebpuun te kelibutan, ugaid ne siaken ne diyan a ebpuun te langit.

2 Timoteo 4:3

Iyan ku kedsuhù keykew kayi su mehaan en egkeuma arà se hewii ne ke menge etew ne kenà edtelimà dut te benar ne penurù egenat te Eleteala. Su iyan dan egkiyuhan te ebpemineg ne ke penurù ne ebpekeayun rut te kiyug dan, su ebpememengà dan te piya engkey ne etew se ebpenehàtahà te ebpekegkeupiya te telinga ran ne arà se ebpeminehen dan.

Imperayag 12:9

Su in-antug dan diyà te ampew te dunya ini se rekelà ne tendayag wey langun ne sakup din. Su ini se tendayag ne arà se engkungkun ne uled te rengdengani rà nevenar ne ed-ingaranan ki Setanas ke datù te pekaid, ne metau ne edlimbung te langun ne menge etew kayi te ampew te dunya.