1 Juan 4:16 - Ke meupiya ne tudtul mekeatag ki Hisu Kristu

¹⁶ Ketà be ne netuenan tew te igkelimù kiyu rin ne miduran ki kayi te limù din keyta. Su kayi te langun ne ed-ul-ulaan te Eleteala ne egkekita ke limù din. Ne ke etew ne ruen limù din te Eleteala wey ke menge ruma rin, ne meilut se kebpekidseveka rin te Eleteala wey riyà dema te kandin ne ed-ubpà ke Eleteala.

1 Juan 4:16 ပူးပေါင်းရင်းမြစ်များ

Juan 6:69

Ne mibperetiyaya key en keykew su netuenan dey se sikuna ke Berekat ne midsuhù te Eleteala ne ebpekemalen.”

Juan 9:3

Ne migkahi en si Hisus te, “Kenà kayi ebpuun te kandin ne salà etawa riyà te menge lukes din. Nepisek sikandin su apey egkekita kayi te kegkeulii rin ke gehem te Eleteala.

1 Kurintu 2:9

Su ruen impesurat ne Lalag te Eleteala ne egkahi te, “Duen impenehana te Eleteala rut te menge etew ne egkelimù kandin. Ini se impenehana rin, ne warà senge etew rà ne nekekita kayi, ne warà nekerineg, ne warà nekepegitung ketà.”

1 Juan 3:1

Dekelà nevenar se limù dut te Amey tew ne Eleteala keyta! Su sabap dut te ini se rekelà ne limù din ne ed-ingaranan kiyu rin te menge anak din, ne benar ne menge anak kiyu rin. Ugaid ke menge etew te ampew te dunya ne egkunterà kandin ne kenà dan egkesebutan te anak kiyu rut te Eleteala su warà dan medtelimà kandin.

1 Juan 3:16

Iyan tuus te tidtu ne limù ne ke kinepebpatey ni Hisu Kristu su apey ebpeliyu keytew dut te salà tew. Tembù be iyan iya se ruen limù tew rut te menge ruma tew misan ibpatey ta sabap te tavang ta kandan.

1 Juan 3:24

Ne piya engkey ne etew ne edtuman te suhù te Eleteala, ne mibpekidseveka en te Eleteala wey riyà ed-ubpà ke Eleteala te kandin. Netuenan ta te kayi ed-ubpà ke Eleteala te keyta su atag dut te tavang te Kedesenan ne Ebpetuntul te Menusiyà ne imbehey rin keyta.

1 Juan 4:7

Menge suled ku ne igkelimù ku, pelimlimuey kiyu iya su riyà ebpuun te Eleteala ini se limù. Ne ke menge etew ne ruen limù dan te menge ruma ran, ne ini ke menge etew ne nevaluy ran ne menge anak te Eleteala ne midtelimà dan sikandin.