1 Juan 4:11 - Ke meupiya ne tudtul mekeatag ki Hisu Kristu

¹¹ Menge suled ku ne igkelimù ku, geina te iring kayi te rekelà ne limù te Eleteala kenitew, ne sikitew iyan iya se ebpelimlimuey ki.

1 Juan 4:11 ပူးပေါင်းရင်းမြစ်များ

Lucas 10:37

Ne migkahi ke meyterù te, “Arà se neyru kandin se meupiya ne ruma rin.” Ne migkahi si Hisus te, “Ini ve se iringi nu.”

Juan 13:34

“Na, ruen behu ne suhù ne ibpetuman ku keniyu te iyan iya se pelimlimuey kew. Iring dut te kegkelimù ku keniyu ne arà se iringi niyu te kebpelimlimuey niyu.

Ipisu 4:31

Ketà be ne engkeri niyu se ebpetegtehuey te sakit te hinawa, ne engkeri niyu se ebpemeked-epesey wey ebpekunkuntereey. Engkeri niyu se ebpetugtugkiyangey wey ebpegkeyà te ruma niyu, wey ke ebpelelahey te ebpekererangit.

Kulasi 3:13

Kenà kew melemu rà ne egkeepes te ruma niyu misan ruen ibpuun niyu kandan, ugaid ne pesehara niyu. Iring ki Hisus te kenà din en ebpenunduhen ke salà tew, ne iring kew red dema ketà.

1 Juan 2:7

Na menge suled ku ne igkelimù ku, ini se suhù ne idsurat ku en keniyu kayi ne kenà behu pà su rengan ini se impenurù keniyu. Su egenat te behu kew pà ne mibperetiyaya ki Hisus ne nerineg niyu ini se suhù mekeatag te kebpelimlimuey tew.

1 Juan 3:11

Iyan impenurù keyta egenat te rudsuan te kebperetiyaya ta ne ebpelimlimuey ki.

1 Juan 3:23

Ne iyan din insuhù kenitew ne ebperetiyaya ki rut te Anak din ne si Hisu Kristu wey ebpelimlimuey ki iring dut te insuhù dema ni Hisu Kristu keyta.

1 Juan 4:7

Menge suled ku ne igkelimù ku, pelimlimuey kiyu iya su riyà ebpuun te Eleteala ini se limù. Ne ke menge etew ne ruen limù dan te menge ruma ran, ne ini ke menge etew ne nevaluy ran ne menge anak te Eleteala ne midtelimà dan sikandin.

2 Juan 1:5

Tembù be ruen ebuyuen ku keykew, Bayi, te sikitew ne menge mibperetiyaya ne iyan iya se ebpelimlimuey ki. Ne kenà behu pà ini se suhù ne idsurat ku kayi, ugaid ne ebpetentenuran ku keniyu ke suhù ne imbehey keytew te pehaney ne mibperetiyaya ki ki Hisus.