1 Juan 2:7 - Ke meupiya ne tudtul mekeatag ki Hisu Kristu

⁷ Na menge suled ku ne igkelimù ku, ini se suhù ne idsurat ku en keniyu kayi ne kenà behu pà su rengan ini se impenurù keniyu. Su egenat te behu kew pà ne mibperetiyaya ki Hisus ne nerineg niyu ini se suhù mekeatag te kebpelimlimuey tew.

1 Juan 2:7 ပူးပေါင်းရင်းမြစ်များ

Mateo 5:43

“Nerineg niyu rema,” ke si Hisus, “ke nekahi ran dengan te, ‘Limui nu ke menge sepakat nu ne keepesi nu ke menge kunterà nu.’

Juan 13:34

“Na, ruen behu ne suhù ne ibpetuman ku keniyu te iyan iya se pelimlimuey kew. Iring dut te kegkelimù ku keniyu ne arà se iringi niyu te kebpelimlimuey niyu.

Nenged-ulaula 17:19

Ketà ne mid-ewit dan si Pablo diyà te etuvangan te menge kunsiyal ne nevurun diyà te tuhar ne ed-ingaranan te Eriyupahu ne migkahi te, “Egkiyug key ne eguru kayi se behu ne penurù ne nelalag nu.

Hibruhanen 6:9

Na menge suled ku ne igkelimù ku, ne misan pà te iring kayi se menge lalag ku keniyu ne netuenan ku te kenà iring ketà se ibped-ulaula keniyu. Su netuenan ku ne ebpeketuntul kew red dut te ralan te kebpekeperetiyaya te Eleteala, tembù be iyan ibehey keniyu ne meupiya.

1 Juan 2:24

Tembù be ini se penurù ne impesabut keniyu te pehaney kew pà mebperetiyaya ki Hisus, ne ini se penurù ne iyan niyu idtahù te hinawa niyu. Su embiya kenà egkeawà ini se neketahù te hinawa niyu, ne kenà egkepakey ne kenà kew red egkeseveka rut te Amey tew ne Eleteala wey ke Anak din ne si Hisu Kristu.

1 Juan 3:11

Iyan impenurù keyta egenat te rudsuan te kebperetiyaya ta ne ebpelimlimuey ki.

1 Juan 3:2

Menge suled ku ne igkelimù ku, menge anak kiyu en te Eleteala. Ne misan warà dey pà metueni se egkevaluy ki keuremà, ugaid ne netuenan ta te ketà te kedlived ni Hisus kayi ne egkesembian ki iring kandin su ketà ne egkekita tew en sikandin.

1 Juan 3:21

Na menge suled ku ne igkelimù ku, embiya ini se hinawa ta ne kenà edsendit keyta, ne ruen kegkesirihi keyta embiya ebpengeningeni ki riyà te Eleteala

1 Juan 3:23

Ne iyan din insuhù kenitew ne ebperetiyaya ki rut te Anak din ne si Hisu Kristu wey ebpelimlimuey ki iring dut te insuhù dema ni Hisu Kristu keyta.

1 Juan 4:1

Menge suled ku ne igkelimù ku, kenà kew peretiyaya dut te langun ne egkahi ne impekahi ran kun te Kedesenan ne Ebpetuntul te Menusiyà. Ugaid ne perisaan niyu pà ke ebpenurù dan apey niyu metueni ke riyà be ebpuun ini te Eleteala etawa kenà. Su merakel se midlepew kayi te ampew te dunya ne uvag kun te ebpelambas sikandan te Lalag te Eleteala.

1 Juan 4:11

Menge suled ku ne igkelimù ku, geina te iring kayi te rekelà ne limù te Eleteala kenitew, ne sikitew iyan iya se ebpelimlimuey ki.

1 Juan 4:21

Su iyan insuhù keyta te Eleteala te piya engkey ne etew ne ruen limù din te Eleteala ne iyan iya se igkelimù din dema ini se ruma rin.

1 Juan 4:7

Menge suled ku ne igkelimù ku, pelimlimuey kiyu iya su riyà ebpuun te Eleteala ini se limù. Ne ke menge etew ne ruen limù dan te menge ruma ran, ne ini ke menge etew ne nevaluy ran ne menge anak te Eleteala ne midtelimà dan sikandin.