1 Juan 2:14 - Ke meupiya ne tudtul mekeatag ki Hisu Kristu

¹⁴ Na, menge anak ku, edsuratan ku sikiyu su netuenan niyu en ke Amey ta ne Eleteala. Ne sikiyu ne menge lukes ne meama, edsuratan ku sikiyu su mibpekidseveka kew ki Hisu Kristu, ne daan en sikandin te warà pà limbaha te misan engkey en. Ne sikiyu ne menge menguwed, edsuratan ku sikiyu su meilut se kebperetiyaya niyu, ne intahù niyu te hinawa niyu ke Lalag te Eleteala ne warà kew megaga te kebpenggeram dut te datù te pekaid.

1 Juan 2:14 ပူးပေါင်းရင်းမြစ်များ

Juan 15:7

Ugaid ne embiya kenà kew ebpitas kediey su intahù niyu te hinawa ke penurù ku,” ke si Hisus, “ne misan engkey se ebuyuen niyu kediey ne ibehey ku keniyu.

Juan 5:38

Ne warà niyu telimaa ke lalag din su warà kew ma mibperetiyaya kediey ke midsuhù din.

Juan 8:31

Ne migkehiyan ni Hisus ke menge Hudiyanen ne mibperetiyaya en kandin te, “Embiya ibperayun niyu ke keduma niyu rut te menge penurù ku keniyu ne benar kew en ne edumdumaan ku.

Juan 8:37

Netuenan ku,” ke si Hisus, “te inenakan kew ni Abraham, ugaid ne iyan niyu ebpemengaan se kebpatey ku su kenà kew ma ebpemineg te penurù ku keniyu.

Ipisu 6:10

Ne ini se mewri ne egkehiyen ku. Na geina te mibpekidseveka kew ki Hisu Kristu, ne nganey kew kandin te ebmevaher ke sarig niyu su sikandin ke ruen dekelà ne gehem din te edtavang.

Pilipus 4:13

Misan engkey en se ebpekerumpak kedì ne egketigkeran ku su ke gehem ni Hisu Kristu ne iyan edtavang kedì.

Kulasi 1:11

Ebpengeningeniyen dey rema ne ke gehem te Eleteala ne warà repeng din ne ebeheren kew rin su embiya ebpekeanuyanuy kew te kemerehenan ne igalewhalew niyu rà se kedtigker niyu.

Kulasi 3:16

Itahù niyu nevenar te hinawa ke langun ne nerineg niyu ne impenurù ni Hisus apey niyu egkeherami ke engkey se keupiya rin, ne ini se nehuruwan niyu ketà ne ipenurù niyu wey ibpesabut niyu rut te menge ruma niyu. Pemeyveyuka niyu ke keupiya te Eleteala kayi te iringà niyu apey kew ebpeketavang te ruma ne etew, ne peselamat kew ve te Eleteala kayi te iringà niyu egenat dut te dekelà ne hinawa niyu.

2 Timoteo 2:1

Sikew, Timoteo, ne iring te tuney ne anak ku, iluta nu ke kedsarig nu su iyan edtavang keykew ne si Hisu Kristu genat te mibpekidseveka ka kandin.

Hibruhanen 8:10

Ugaid ne ini se behu ne pasad ku ne ebeelan ku keuremà dut te menge inenakan ni Israyil, ne ibpetahù ku ini se suhù ku te itungan dan ne ibpesurat ku ini te hinawa ran su apey ran egkerumai egenat te hinawa ran. Ne ketà be ne siak ke Eleteala ne edtewehan dan, ne sikandan ke menge etew ku.

1 Juan 1:1

Ini se surat ku riyà te keniyu ne mekeatag ki Hisu Kristu ne iyan ed-ingaranan te Lalag ne ebpuunan te umur ne warà edtemanan din. Daan en sikandin te warà pà limbaha misan engkey en ne nelimbag. Ne ketà te mibpebaluy sikandin ne anak te menusiyà ne nekita rey ini se ed-ul-ulaan din, ne nerineg dey ke lalag din, ne midsinggur dey sikandin ne tidtu ne etew.

1 Juan 1:10

Ugaid ne embiya egkahi ki te warà salà ne mid-ulaula ta, ne ebpehinteruan ta ke lalag te Eleteala ne warà te hinawa ta ke lalag din.

1 Juan 2:13

Ne sikiyu ne menge lukes ne meama, edsuratan ku sikiyu su mibpekidseveka kew en ki Hisu Kristu, ne daan en sikandin te warà pà limbaha te misan engkey en. Ne sikiyu ne menge menguwed, edsuratan ku sikiyu, su warà kew megaga te kebpenggeram dut te datù te pekaid.

2 Juan 1:2

Ne iyan din atag te rekelà te hinawa rey sikiyu su sabap dut te benar ne penurù ne neketahù kayi te hinawa tew ne warà kegkeawà din taman te taman.

3 Juan 1:3

Nehalew a nevenar dut te kebpekeuma kayi te menge suled tew riyà se ebpenudtul te meilut se keduma nu rut te tidtu ne penuruan, su ke langun ne ulaula nu kun ne ebpekeayun iya rut te benar.

Imperayag 2:3

Netuenan ku te midtigkeran te hinawa niyu ke keresayan ne mibpekesekitan kew su atag dut te kebperetiyaya niyu kediey, ne misan iring ketà ne warà niyu engkeri ke kebperetiyaya niyu wey keduma niyu kediey.

Imperayag 2:7

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. Piya engkey ne etew ne kenà egkegaga dut te penggeram te datù te pekaid, ne edtuhutan ku ne ebpekekaan dut te bahas te kayu ne ebpuunan te umur ne warà edtemanan din ne impemula ketà te ed-ubpaan te Eleteala.’”