1 Juan 1:1 - Ke meupiya ne tudtul mekeatag ki Hisu Kristu

¹ Ini se surat ku riyà te keniyu ne mekeatag ki Hisu Kristu ne iyan ed-ingaranan te Lalag ne ebpuunan te umur ne warà edtemanan din. Daan en sikandin te warà pà limbaha misan engkey en ne nelimbag. Ne ketà te mibpebaluy sikandin ne anak te menusiyà ne nekita rey ini se ed-ul-ulaan din, ne nerineg dey ke lalag din, ne midsinggur dey sikandin ne tidtu ne etew.

1 Juan 1:1 ပူးပေါင်းရင်းမြစ်များ

Lucas 1:2

Iyan dan insurat ke nengeguhud kandan dut te menge etew ne nekekita en iya kayi te ned-ulaula igenat te rudsuan wey iyan dan dema mibpesabut te Lalag te Eleteala.

Lucas 24:39

Intengi niyu ma ini se palad ku wey paa ku su siaken ded iyan ini! Geweri a niyu ma su apey niyu egketueni te kenà a gimukud. Su embiya gimukud,” ke si Hisus, “ne warà sapù din wey tulan din, ugaid ne egkekita niyu ma te ruen kediey.”

Juan 19:35

Su siaken ini ke midsurat kayi ne edtitihusan ku te benar ini su nekita ku en iya. Uya, netuenan ku te benar ini, tembù be insurat ku su apey kew ebpekeperetiyaya.

Juan 20:27

Arà dà ne migkahi en sikandin diyà te ki Tomas te, “Tengtengi nu ini se velad ku, ne tiyuka nu ini se palad ku abpeg dut te palì te tengkiliran ku ne sepuwa nu rema! Engked ka te keduwaruwa nu, ne peretiyaya ka!”

Juan 5:26

Ke Amey ku se ebpuunan te umur su sikandin se ebpekevehey te umur, ne iring ded be ketà ke kedì ne Anak din su ke gehem din ne imbehey rin kediey ne ebpekevehey e red dema te umur.

Juan 8:58

“Sebenarvenar ne ini se egkehiyen ku keniyu,” ke si Hisus, “te warà pà in-anak si Abraham ne raan ad.”

Nenged-ulaula 1:3

Guna su mid-imetayan sikandin ne nevanew en maa ne mibpekitakita sikandin dut te menge kedserihan din. Ne merakel ne tuus ne impekilala rin kandan su titihus te biviyag en sikandin. Su lusud te epat nepulù ne hewii ne kemerakel sikandin mibpekitakita kandan wey mibpengasak sikandin mekeatag dut te Kedatù te Eleteala.

Nenged-ulaula 4:20

Su kenà egkepakey ne ebpekeengked key se ebpemenudtul dut te nekita te mata rey wey nerineg dey.”

Hibruhanen 2:3

Ne embiya iring ketà, ne iyan pè be kenà muna pà se kedusa te Eleteala keytew embiya kenà ki eduma rut te tudtul mekeatag te mepmeupiya ne ralan te kebpeliyu te Eleteala rut te menge etew. Su si Hisus en iya ke Kerenan tew se neuna ne nekepenudtul te kebpeliyu kenitew, ne ke menge etew ne nekerineg kandin se nekepenitihus dan te ini ne benar iya.

1 Juan 4:14

Nekita rey kayi te mata ta ke Anak te Eleteala ne midsuhù din kayi te ampew te dunya ne ebpebaluy ne etew su apey ebpeliyu te menge etew te kedusa te salà dan. Ne ini se nekita rey ne ebpemenudtulen dey diyà te menge etew.

1 Juan 5:7

Ketà ne tetelu ini se ebpesabut keyta te si Hisu Kristu ke Anak iya te Eleteala:

Imperayag 1:11

Ne migkahi te, “Isurat nu ini se egkekita nu ne ibpeewit nu diyà te menge mibperetiyaya diyà te pitu ne menge inged: diyà te inged ne Ipisu, Ismirna, Pirgamu, Tiyetira, Sardis, Piledilpiya wey riyà te inged ne Lewdisiya.”

Imperayag 1:8

Ini se Kerenan tew ne Eleteala ne mekegehem, ne daan en sikandin te warà pà limbaha ke misan engkey en ne kemulu pà sikandin guntaan wey sikandin ded lavew taman te taman. Tembù be migkahi te, “Siaken ke Alpa wey Omega.” Ne ke meana kayi ne warà kurang din su sikandin ke ebpuunan te langun taman ne sikandin dema ke ebpeengked dut te langun.

Imperayag 19:13

Ne ini se belegkas din ne iring te in-ered diyà te lengesa, ne ke ngaran din ne “Lalag te Eleteala.”

Imperayag 2:8

Ne ketà ne migkahi pà maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Ismirna, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ebpuunan te langun taman ne siaken rema ke ebpeengked dut te langun. Minatey a ugaid ne nevanew a red.