Zekaria 9:9 - KITABU KITAKATIFU

⁹ U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Zekaria 9:9 ပူးပေါင်းရင်းမြစ်များ

1 Avami 1:38

Ma Zadoku musalisi, na Nathan muprofeti, na Benaia mwana wa Jehoiada, na Vakerethi na Vapelethi, va sulunguta, ni va nyinnya Solomoni ku inyumbu yomwami Daudi, ni va mu hila Gihon.

Zaburi 149:2

Israeli va sangale mu uyu wa va lomba: Avana va Zioni va kupe isango mu Mwami wavo.

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 45:1

Mwoyo gwange gwizuye amakuva malahi; Mbola vindu vya nombeye mwami: Lulimi lwange lu veye ikalamu yomung'odi mugulu.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 43:11

Inze, yee, inze mbeye Yahova; na a ta li inze si ha veye nomuhonnyi.

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Isaya 52:7

Vya li vilahi ki mu vigulu, virenge vya uyu u letanga makuva malahi, u landidzanga makuva gemirembe, u letanga makuva malahi gevindu vilahi, u landidzanga makuva gobuhonywi; u voleranga Zioni, Nyasaye wowo wamehanga

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Jeremia 30:9

navutswa va la tumekira Yahova Nyasaye wavo, na Daudi mwami wavo, wa ndi singeridza kuvo.

Ezekieli 21:32

U la va tsinku ku muliru; masahi gogo ga la va hagati hekivala yikyo; u la vula kwidzulitswa kandi; kigira inze Yahova mboye likuva yili.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Mika 4:8

Na ive kitaradzi kyekyayo, kigulu kyomukana wa Zioni, ki ladza ku ive, yee, lyameha lyakale li ladza, bwami bwomukana wa Yerusalemi.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Zekaria 2:10

Wimbe u sangale, O mukana wa Zioni; kigira, henza nzidzanga, na nda menya nagati hoho, Yahova a vola.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 11:29

Mu ginge inira yange, mwegire ku inze; kigira inze mbeye mhooma nomuhokya: mu la nyola lisosa mu myoyo gyenyu.

Matayo 2:2

A veye haliki wivuywi Mwami wa Vayuda? Kigira kwa lola ing'ereng'ani yeye ivugwe, ku udzi kumsigamira.

Marko 11:7

Ni va leta kimoli ku Yesu, ni va vika ku tsingubo tsyavo; na yikala ku.

Luka 24:27

Kandi ya tanga kutwula ku Musa noku vaprofeti vosi, na a va vuulira mu mang'oda gosi vindu vya volwa kuye mwene.

Yohana 1:49

Natanaeli ya mu tivulira, Rabi, ive niye Mwana wa Nyasaye; ive nu Mwami wa Israeli.

Yohana 19:15

Maku, va kola liyoga, Mhile, mhile, mbambe Pilatu ya va volera, Mbambe Mwami wenyu? Avasalisi vanene va tivula, Kwinye si ku veye nomwami navutswa Kaisari.

Vakalagi 10:4

Na ya li navana avayai makumi gavaka ava ninanga ku vimoli vyetsisukiri makumi gavaka, na va li namadala makumi gavaka, aga langangwa Havothu-jairo kuduka lero, nago ga veye mu kivala kya Gileadi.