Zekaria 9:8 - KITABU KITAKATIFU

⁸ Na nda singeridza mahema gange kukumbiridza inyumba yange, kigira lihe, ha ta va novita kinga wirana kandi mudambidzi ku vosi si a la vita hagati havo mba: kigira inze kalunu ndolanga netsimoni tsyange.

Zekaria 9:8 ပူးပေါင်းရင်းမြစ်များ

2 Samweli 16:12

Namusia Yahova a la henza ubudamano yibu bwa nkola ngwa, namusia Yahova a la ntunga ubulahi kigira linyega lilye lero.

2 Avami 19:34

Kigira inze nda sola lidala yili li duke kubona, kigira inze, kandi kigira mutumekiri wange Daudi.

2 Avami 23:29

Mmadiku gege Faraoneko mwami wa Egepeti yanegira kulwana nomwami wa Asu ria kuduka ha mugera gwa Farati: nomwami Josia ya tsia kulwana naye; na Faraoneko ya mwiitira ha Megido, lwa ya mu lola.

2 Avami 24:1

Mu madiku gege Nebukadinezaru mwami wa Babuloni yanegira, na Jehoiakim ya gwa mutumekiri wewe mihiga gyivaka: ma ya girunkana na a mu tinguha.

Zaburi 34:7

Ingelosi ya Yahova a kumbiridzanga yavo ava mu tidzanga, Na a va hedzanga ubwiyangu.

Zaburi 72:4

A la kalagira avadambi va avandu A la honnya avana va avadaka Na a la shonolannya mudambidzi.

Kutwula 3:7

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo;

Kutwula 3:9

Na kalunu, henza, lilira lya avana va Israeli li ndukiye ha mbeye: kandi ndoli ubusaliri kuli Avaegepeti va va saliridzanga.

Tsing'ano 3:25

U ta tia ubutihidzi bwa nonoho, Kinga ubwoneku bwavadamano lwa bu duka:

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 31:5

Kuli manyonyi ga bulukanga, ni ndiyo Yahova wa mahe a la linda Yerusalemi; a la li linda nokuliho nnya, a la vita kulyo nokulisola.

Isaya 4:5

Kandi igulu wohokumenya hosi mu kigulu kya Zioni, na igulu wa mavugano gakyo, Yahova a la lomba lilesi nomwoki inyinga yombasu, nobung'ering'anu bwomuliru gwolumemo inyinga yobudiku; kigira kyokukunika ki la kunika ubukumi bwosi.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 52:12

Kigira si mu la tsia kyova bwangu bwangu, kandi si mu la genda neliruka: kigira Yahova a limira imbiri wenyu; na Nyasaye wa Israeli a la va wokumulonda inyima.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 60:18

Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 46:13

Likuva lya Yahova ya volera Jeremia muprofeti, kuli Nebukadirezaru mwami wa Babuloni a ladza nokukuya kivala kya Egepeti.

Jeremia 46:2

Ku Egepeti: ku lihe lya Faraoneko mwami wa Egepeti, lya li himbi nomugera gwa Farati mu Karkemishi, lya Nebukadirezaru mwami wa Babuloni, ya kuya mu muhiga gwe gyine gwelyameha lya Jehoiakim mwana wa Josia, mwami wa Yuda.

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.

Amosi 9:15

Na nda va simika mkivala kyavo, na si va liifwa kandi kutwula mu kivala kyavo kya nda va ha, Yahova Nyasaye wowo a vola.

Zekaria 12:4

Mu lidiku yilyo, Yahova a vola, nda tihidza tsiparasi tsyosi, na uyu u ninanga kutsyo nda mu lalukidza: na nda kunula tsimoni tsyange ku inyumba y a Yuda, na nda kuya tsiparasi tsyosi tsyavandu nelivakula.

Zekaria 12:8

Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Zekaria 14:11

Avandu va la menya mu, si ha la va nelilaama kandi mba; navutswa Yerusalemi li la menya nemirembe.

Zekaria 9:7

Na nda twulidza masahi gege ku munwa gwigwe, na livihiridza lilye nda li twulidza mu amino gege; uyu kandi a la va litigala lya Nyasaye wetu; na a la va kuli govuna mu Yuda, na Ekiron a la va kuli Mujebusi.

Vikolwa 7:34

Lilola nda lola ubusaliri bwavandu vange ava veye mu Egepeti, kandi mmali kuhulira ubukenyi bwavo, na inze mmali kwika nduke kuvahonnya. Kalunu hamba, nda ku tuma kutsia Egepeti.

Likunula 20:9

Kandi vanegira mu bubambalalu bwelirova, ni va kumbiridza amasa gavatakatifu nelidala lya yanzwa: kandi muliru gwika kutwula migulu gwa va lia.