Zekaria 9:12 - KITABU KITAKATIFU

¹² Mwirane ku impinga mwinye avahambe velisuuvira: kali lero mbola nda ku tunga hali kaviri.

Zekaria 9:12 ပူးပေါင်းရင်းမြစ်များ

Ayubu 42:10

Na Yahova ya girunkanya ubuhambe bwa Ayubu, lwa ya saalira avalina veve: Yahova ya ha Ayubu hali kaviri kuvita vya ya li navyo ku matsyambiri.

Isaya 24:22

Na va la vungidzwa halala, kuli avahambi va vungidzangwa halala mu bogo, na va la bofwa mu inyumba yavahambe; na va la lolwa inyima wa madiku manyingi.

Isaya 38:18

Kigira Kilindwa si ki nyala kukwidzominya mba, likudza si li nyala kukwidzulitsa: Yava avikanga mbogo si va nyala kusuuvira ku geligali gogo.

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Isaya 49:9

kuvolera avahambe, Hambi kyova; kuvolera ava veye mkisundi, Mwelangaminve. Va laya ku tsinzira, nobwayiru bwavo bu la va hadiguluku hosi ha veye.

Isaya 52:2

Weyeye ulugukyi; vuka, wikale, O Yerusalemi: weboholole viboheru vivyo migoti lilyo, O mwana wa Zioni, mukana wa li muhambe.

Isaya 61:7

Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.

Jeremia 14:8

O ive u veye kisuuviri kya Israeli Muhonnyi wewe inyinga yekivi, kigira ki ive u veye kuli mugeni mu kivala, kuli mundu u samulanga, yeveta a nyole hokugona ubudiku?

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 31:17

Na kisuuviri ki veye ho ku madiku gogo gekiheri, Yahova a vola; navana vovo va la duka kandi ku lwako lwavo avene.

Jeremia 31:6

Kigira li la va ho lidiku lilala, mu lidiku yilyo mulindi u veye mu tugulu twa Efiraim a la kupa lwanga, a la Dola, Mu vuke, ku tsie kwanegire Zioni ku Yahova Nyasaye wetu.

Jeremia 50:28

Mwoyo gwa yavo avirukanga nokuhona kutwula mu kivala kya Babuloni, kulandidza mu Zioni kisa lya kya Yahova Nyasaye wetu, kisalya kyelitempeli lilye.

Jeremia 51:10

Yahova a leti kyova ubulungi bwetu: hamba, ku landidze mu Zioni miyinzi gya Yahova Nyasaye wetu.

Ezekieli 37:11

Hene yaho ya mbolera, Ive mwana womundu, vigumba yivi vi veye inyumba yosi ya Israeli: henza va vola, Vigumba vyetu vi veye viyumu, na lisuuviridzwa lyetu li goti; ku dividzwi ligali.

Hosea 2:15

Na nda mu ha milimi gyigye gyemizabibu kutwula ha zana, nelivona lya Akori kuva muhango gwelisuuviridza; naye a la tivulira yo, kuli ya kola mu madiku gobusoleli bwibwe, kandi kuli ya kola ku lidiku lya yanegira kutwula mu kivala kya Egepeti.

Joeli 3:16

Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Mika 4:8

Na ive kitaradzi kyekyayo, kigulu kyomukana wa Zioni, ki ladza ku ive, yee, lyameha lyakale li ladza, bwami bwomukana wa Yerusalemi.

Nahum 1:7

Yahova a veye mulahi, a veye impinga ku lidiku lyekivi; a manya yava ava suuvira kuye.

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

Vahebraina 6:19

Ku veye nalyo kuli kinanga kyomwoyo, lisuuviridzwa lilahi nelyetsingulu, kandi lingiranga kuduka nagati ha kingangwa;