Zekaria 9:11 - KITABU KITAKATIFU

¹¹ Ku ive kandi, kigira masahi gelilagana lilyo, nda twulidza avahambe vovo kutwula mbogo bu ta li na madzi.

Zekaria 9:11 ပူးပေါင်းရင်းမြစ်များ

Isaya 51:14

Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba.

Kutwula 24:8

Kandi Musa ya vugula masahi na a guuha ku avandu, na a vola, Henza, masahi gelilagana, lya Yahova a lomba nemwinye ku makuva yaga gosi.

Isaya 42:7

kukunula tsimoni tsi ta lolanga, kuvatwulidza mbuhambe avabofwa, na ava menyanga mu kisundi kuvatwulidza mu inyumba yavahambe.

1 Vakorintho 11:25

Kandi ndiyo ya vugula kikombe, inyima yevyokulia na a vola, Kikombe yiki ki veye amalago mahya mu masahi gange: tsinyinga tsyosi, mu nwedza, ni mu va ni mu kole kwidzulitsa inze.

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Isaya 49:9

kuvolera avahambe, Hambi kyova; kuvolera ava veye mkisundi, Mwelangaminve. Va laya ku tsinzira, nobwayiru bwavo bu la va hadiguluku hosi ha veye.

Zaburi 69:33

Kigira Yahova a huliranga avadaka, Na si a lega avahambe veve mba.

Zaburi 40:2

Ya ntwulidza mbogo bwokuti hidza, kandi mu buterere bwo budohi; Na ya nsingeridza virenge vyange ku lwanda, na a luviridza ligenda lyange.

Marko 14:24

Na a va volera, Yiki na masahi gange gelilagana, aga sunduleywi vanyi ngi.

Luka 22:20

Kandi ndiyo kikombe inyima yokumala lilia, na a vola, Kikombe yiki ki veye amalagano amahya agoku masahi gange, aga sundulwa kigira mwinye.

Isaya 58:12

Na yavo ava duka kuva avovo va lombaka mu vyanyi vya kale vya lekwa vutswa; u la singeridza mise gya makula manyingi; na u la gulikwa Mulombi wa ha sasuguka, na Mwirannyi wetsinzira tsyelimenywa.

Zaburi 30:3

O Yahova, u twulidzi mwoyo gwange mu Kihadisi; U lindi livamwoyo lyange, mbule kutsia mbogo.

Kwidzulitsa 5:31

Navutswa ive, u singire hano himbi ku inze, na nda ku volera lilagana lyosi, namalago, nelikalaga, ga u la vegidza, va duke kugakola mu kivala kya mba ha kukigumira.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Isaya 42:22

Navutswa avandu yava va veye ava nuulwa nokulanywa; vosi va gumirwa nemitego mu bogo, nokuviswa mu tsi nyumba tsyavahambe: va gwiye vilanye, si ha veye nomuhonnyi; va gwiye kilanye, si ha veye no u volanga Wirannye.

Jeremia 38:6

Ma va gumira Jeremia, ni va mu ta mbogo bwa Malikija mwana womwami, bwa li mu mugidzi gwavalindi: na vikidza Jeremia nemigoye. Si ha li na madzi mbogo zana navutswa budohi; na Jeremia ya sikira mu budohi.

Likunula 20:3

nokumuvika mu bogo, na a bu kunika, na a vika kuye muhuri, a vule kugada tsihiri kandi kuduka mihiga elfu gyi fweye: inyima wagyo ga mu dukira a bohololwe inyinga inkekeke.

Danyeli 2:29

Ku ive, O mwami, tsiganagani tsitsyo tsingira mu mwoyo gugwo ku kitali kikyo, ni ki, ki la duka inyinga yekiheri; na uyu u vuulanga agaviseywi u vuuliye ive aga li kolwa.

2 Kyetsinyinga 7:17

Na ive, nu u va nu u genda imbiri wange kuli dada wowo Daudi ya genda, nokukola kuli gosi ga nda ku laga, nokugumira lilagana lyange, nelikalaga lyange;

2 Samweli 13:13

Na inze, nda tsia hai netsisoni tsyange? Noku ive, u la va kuli mulala ku avasiru mu Israeli. Kunangwa kalunu, nku goonya, u volerane nomwami; naye si a la ku gaya mbule kuudza ku ive.

Luka 16:24

Ya hanzuka na a vola, Dada Abrahamu, u mbererere, u tume Lazaro, a duke kudira isonga yekidete kikye mu madzi a kindidze lulimi lwange; kigira nsalira mu lumemo yilu.

Vahebraina 10:2

Ni ga ta veye ndiyo nkano si vya leka kuhaanwa? Kigira ava sigamiranga ni va mali kutakaswa inyinga indala nkano va vula kuva nomwoyo gwokumanya bwoni kandi.

Ayubu 33:30

Kwirannya mwoyo gwigwe kutwula mbogo, A duke kulavidza nobulavu bwa avelivamwoyo.

Isaya 24:22

Na va la vungidzwa halala, kuli avahambi va vungidzangwa halala mu bogo, na va la bofwa mu inyumba yavahambe; na va la lolwa inyima wa madiku manyingi.