Zekaria 8:6 - KITABU KITAKATIFU

⁶ Yahova wa mahe a vola. Ni li va ni li veye likuva lyokugenya imbiri wetsimoni tsyavo avatigala ku avandu yavo mmadiku yago, ga dukanga kuva likuva lyokugenya imbiri wange? Yahova wa mahe a vola.

Zekaria 8:6 ပူးပေါင်းရင်းမြစ်များ

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

2 Avami 7:2

Hene yaho munyampara womwami yedira ku mukono gwigwe ya tivulira mundu wa Nyasaye, na a vola, Yahova na a va na a kola madirisha mwigulu, inkuva yiyi i nyala kuva ho? Na ya mu volera, Henza ive u la lola netsimoni tsitsyo, navutswa si u la lia ku mba.

Zaburi 118:23

Yili li twula ku Yahova; Li veye lyokugenya mu tsimoni tsyetu.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 32:27

Henza, inze mbeye Yahova, Nyasaye wa vemibiri vosi: ha veye nekindu kidinyu ki nyala kuguuta inze?

Matayo 19:26

Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika.

Luka 1:20

Henza, ive u la va idimbidi, si u li nyala kuvola, kuduka ku lidiku lya yaga ga li kolwa, kigira si wa suuvira amakuva gange, aga li kolwa inyinga yago.

Luka 1:37

Kigira ku Nyasaye si ki li ho kindu ki ta nyalika.

Luka 18:27

Navutswa ya vola, Vindu vi ta nyalika ku vandu, vi nyalika ku Nyasaye.