Zekaria 8:3 - KITABU KITAKATIFU

³ Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

Zekaria 8:3 ပူးပေါင်းရင်းမြစ်များ

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 48:1

Yahova a veye munene, nowokwidzominywa ligali Mu lidala lya Nyasaye wetu, mu kigulu kikye kitakatifu.

Kutwula 29:45

Na inze nda menya halala na avana va Israeli, na nda va Ny asaye wavo.

Isaya 1:21

Ga li ndi lidala lisuuvirifu li gwiye liheyi lya li nelizuye likalaga lyobulungi ubulungi bwa li ni bu gonanga mulyo, navutswa kalunu avalumindi.

Isaya 1:26

na ndi rannya avakalagi vovo kuli matsyambiri, na vavoli vovo kuli ma tsyambiri: na inyima wa yaga u la langwa Lidala lyobulungi, lidala lyo busuuvirifu.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 32:16

Inyinga yeyo likalaga li la menya migendanyama; nobulungi bu la menya mu mulimi gwamanga.

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Isaya 8:18

Henza, inze navana va Yahova ya mba ku ve vilolekidza nevyokugenya mu Israeli vi twulanga ku Yahova wa mahe, u menyanga mkigulu kya Zioni.

Jeremia 14:9

Kigira ki ive u veye kuli mundu wa timuka enkolo, kuli mundu wetsingulu u ta nyala kuhonnya? Navutswa ive, O Yahova, u veye hagati hetu, na kwinye ku langangwa ku lieta lilyo; u ta ku leka mba.

Jeremia 26:18

Mika Mumorashiti ya profeta mmadiku ga Hezekia, mwami wa Yuda; na ya volera avandu vosi va Yuda, na a vola, Yahova wa mahe a vola ndi: Zioni li la limwa kuli mulimi, na Yerusalemi li la va vitumi, na kigulu kyenyumba ki la leng'ana na hadiguiuku homulitu.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Joeli 3:21

Na ndogidza amasahi gavo aga nkikiri kwogidza: kigira Yahova a menya mu Zioni.

Mika 4:1

Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zekaria 1:16

Kigira yaga Yahova a vola: Mmali kwirana ku Yerusalemi netsi mbabasi; inyumba yange i lombakwa mulyo, Yahova wa mahe a vola, nomugoye gu la nyirwa ku Yerusa lemi.

Zekaria 12:6

Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.

Zekaria 14:10

Na kivala kyosi ki la girunkannya kuli kivala kereremu, kutwula Geba kuduka Rimon ku luvega lwa kusini wa Yerusalemi; na li la gingwa igulu, nokumenya habugono halyo, kutwula ku kiribwa kya Benjamini kuduka ku kiribwa kyokutanga, kuduka ku kiribwa kyolwiga, nokutwula ku kitaradzi kya Hananeli kuduka ku vyokumina iwaini vyomwami.

Zekaria 8:16

Yaga namakuva ga mu li kola: Mu volerane samulala nomutende wewe makuva geligali; mu kalage likalaga lyeligali nemirembe mu viribwa vyenyu;

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vakolosai 2:9

Kigira ubudukiru bwosi Obwanyasaye bu menya muye ku mubiri,

Likunula 21:10

Kandi ya ngingira mu Roho kumbila mu kigulu kinene kandi kitambi, kandi ya mmannya lidala yilyo litakatifu Yerusalemi, liika kutwula migulu wa Nyasaye:

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo: