Zekaria 8:16 - KITABU KITAKATIFU

¹⁶ Yaga namakuva ga mu li kola: Mu volerane samulala nomutende wewe makuva geligali; mu kalage likalaga lyeligali nemirembe mu viribwa vyenyu;

Zekaria 8:16 ပူးပေါင်းရင်းမြစ်များ

Zaburi 15:2

Uyu u gendanga nobudukanu, na u kolanga ubulungi, Nokuvola ageligali mu mwoyo gwigwe;

Zaburi 34:15

Tsimoni tsya Yahova tsi veye ku avobulungi, Na amatu gege ga yeki ku lilira lyavo.

Tsing'ano 12:17

Uyu u volanga ageligali a vuulanga ubulungi; Navutswa muloli wobubehi a volanga ubugadi.

Tsing'ano 12:19

Munwa gweligali gu la dinyiridzwa mihiga nemihiga; Navutswa ululimi lwobubehi lu veye lwedagika indala vutswa.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Ezekieli 18:8

ya vula kuhaana ifetha kunyola vyambeti, kandi ya vula kuvugula vya medeka, ya twulidza mukono gwigwe ku budamano, na a kola li kalaga lilungi hagati homundu no mundu,

Ezekieli 45:9

Mwami Yahova a vola ndi: Ga mu dukira, mwinye avanene va Israeli: mu twulidze kirage nobunuuli, na mu kole likalaga nobulungi; mu twulidze linyaga lyenyu vindu vyavandu vange, Mwami Yahova a vola.

Kyavalevi 19:11

Mu tiba mba; kandi mu ta kola ubugadi, na mu ta veherana mba.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Amosi 5:24

Navutswa likalaga li sunduke kuli amadzi, nobulungi kuli mugera munene.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zekaria 7:9

Yahova wa mahe a vola yaga, na a vola, Kalaga likalaga lyeligali, na mu ve netsimbabasi nelivererera mundu sa mulala na avamwavo veve:

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

Matayo 5:9

Va veye nobugasu avaloombi ve mirembe kigira va la langwa avana va Nyasaye.

Vafeso 4:17

Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa,

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

1 Vatesalonike 4:6

mundu a ta ga manya nokugenderera amwavo wewe mu makuva yaga: kigira Mwami a veye mbanzi mu makuva yaga gosi; kuli kwa tanga kumumannya nokumulolekidzira.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.