Zekaria 8:12 - KITABU KITAKATIFU

¹² Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Zekaria 8:12 ပူးပေါင်းရင်းမြစ်များ

Litanga 26:12

Na Isaka ya taga mulimi mu kivala zana, na a gesa ku muhiga yigwo kilala kya leta mia: na Yahova ya mu gasidza.

Litanga 27:28

Kandi Nyasaye a ku he vyelime lyomigulu, Na vyobunulu bwelirova Nobunyingi bwobuswage, newaini indoto:

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

Zaburi 72:3

Vigulu vi la letera avandu mirembe, Kandi tugulu, mu bulungi.

Zaburi 85:12

Yee, Yahova a la haana kyobulahi; Na kivala kyetu ki la haana lyama lyakyo.

Tsing'ano 19:12

Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 61:7

Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Ezekieli 34:28

Na si va la va vilanye vyetsihiri kandi, kandi tsinyama tsyekivala si tsi la va lia kandi mba; navutswa va la menya nemirembe, na si ha la va no nyala kuvatihidza.

Ezekieli 36:12

Yee, nda kola avandu va gende ku mwinye, avandu vange Israeli; na va la ku gumira, na ive u la va mi yandu gyavo, na ive si u liita avana vavo kandi mba.

Ezekieli 36:30

Nda meda makuyu gemisala, ne limedeka lyemilimi, mu vule kunyola kandi manyego genzala hagati hetsihiri.

Ezekieli 36:9

Kigira, henza, inze mbeye ku luvega lwenyu, na nda giru nkana kuhenza ku mwinye, na mu la limwa nokutagwa;

Hosea 13:3

Kigira yaga va la va kuli lilesi lyomugamba, na kuli lime li ka manga mabwebwe, kuli mukuudzi gwekihudzudzi ki hilanga ku lodze lwokuhuula ubuswage, na kuli mwoki mu butwuliru bwagwo.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Joeli 2:19

Na Yahova ya tivula na a volera avandu veve, Henza, nda mu letera ubuswage, na iwaini impya, na maguta, na mu liguta vindu yivi; na si nda mu kola kandi kunyegwa hagati hetsihiri;

Joeli 2:22

Mwinye tsinyama tsyomwigendanyama, mu ta tia mba; kigira ubwayiru bwomwigendanyama bu sebuka, kigira musala gwamanga, na mukuyu na muzabibu gyi letanga tsingulu tsyagyo.

Kyavalevi 26:3

Ni mu genda mu miima gyange, nokugumira malago gange, nokugakola;

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Haggai 1:10

Kunangwa kigira mwinye ligulu ligalirwa li vule kuleta lime, nelirova li vule kwama makuyu.

Haggai 2:18

Mu ganagane mmugoonyanga, kutwula lidiku yili no kutsia mbiri, kutwula ku liduku lya makumi gaviri na gane ku mweli gwa gyitano na gyine, kutwula lidiku lyomuse gwelitempeli lya Yahova gwa temwa, mu li ganagane.

Haggai 2:19

Bugutsa bu kikiri mu kyagi? Yee, muzabibu, na mukuyu na makomamanga, na muzeituni, vi kikiri kwama; kutwula lidiku yili nda mu gasidza.

Zekaria 8:6

Yahova wa mahe a vola. Ni li va ni li veye likuva lyokugenya imbiri wetsimoni tsyavo avatigala ku avandu yavo mmadiku yago, ga dukanga kuva likuva lyokugenya imbiri wange? Yahova wa mahe a vola.

Malaki 3:11

Kigira mwinye, nda gondokera uyu u litsanga, naye si a lononnya makuyu gekivala kyenyu; kandi mizabibu gyenyu si gyi la vungulula amakuyu gagyo mu mulimi imbiri wenyinga yagyo, Yahova wa mahe a vola.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

1 Vakorintho 3:21

Kigira yaga ku vosi kali mulala a tiidzominya mu vandu. Kigira vyosi ni vyenyu;

Kwidzulitsa 32:2

Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.

Kwidzulitsa 33:13

Na ku Yosefa ya vola, Kivala kikye, Yahova a ki gasidze, Ku evindu vyobuguli budinyu vyomigulu, noku lime, Noku luliva lu baamanga hasi,

Kwidzulitsa 33:28

Israeli va menyanga bulahi, Kisinukiru kya mazdzi kya Yakobo ki veye kiderwa, Mu kivala kyobuswage newaini ihya; Yee, ligulu lilye li tonyatonyanga lime.

Yakobo 3:18

Likuyu lyobulungi li midzeywi mu mirembe ku yavo ava kolanga mirembe.