Zekaria 7:9 - KITABU KITAKATIFU

⁹ Yahova wa mahe a vola yaga, na a vola, Kalaga likalaga lyeligali, na mu ve netsimbabasi nelivererera mundu sa mulala na avamwavo veve:

Zekaria 7:9 ပူးပေါင်းရင်းမြစ်များ

2 Samweli 9:7

Na Daudi ya mu volera, U ta tia mba; kigira ligali nda ku vera tsimbabasi kigira dada wowo Jonathan na nda kwiranyira wowo Jonathan, na nda kwiranyira milimi gyosi gya Saulo dada wowo; na ive u la lagira ku imeza yange kazozo.

Ayubu 31:20

Na kikenge kikye ni ki va ni ki vuli kungasidza, Kinga na a vula kunyola uluya mu bwoya bwamagondi gange;

Ayubu 6:14

Ku uyu u veye himbi likinda, ga mu dukira avalina veve va mu kolere bulahi; Kali ku uyu u lekanga kutia Wanyala Vyosi.

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 7:5

Kigira ni mu lomba tsinzira tsyenyu nevikolwa vyenyu ligali; nokukalaga bulungi hagati homundu nowakye;

Ezekieli 18:8

ya vula kuhaana ifetha kunyola vyambeti, kandi ya vula kuvugula vya medeka, ya twulidza mukono gwigwe ku budamano, na a kola li kalaga lilungi hagati homundu no mundu,

Ezekieli 45:9

Mwami Yahova a vola ndi: Ga mu dukira, mwinye avanene va Israeli: mu twulidze kirage nobunuuli, na mu kole likalaga nobulungi; mu twulidze linyaga lyenyu vindu vyavandu vange, Mwami Yahova a vola.

Hosea 12:7

A veye mugulidzi, tsiratili tsyobugadi tsi veye mmukono gwigwe: a yanzanga kudambidza

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Amosi 5:24

Navutswa likalaga li sunduke kuli amadzi, nobulungi kuli mugera munene.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zekaria 7:7

Si ga mu dukira kuhulira makuva ga Yahova ya leta na makono ga avaprofeti vokutanga, inyinga avandu va menya mu Yerusalemi mu bugasu, nomu madala yago ga li kumbiridza, noluvega lwa Kusini na vivala vyekereremu vya li na vandu?

Zekaria 7:8

Kandi likuva lya Yahova lya duka ku Zekaria, kuvola,

Matayo 23:23

O Bayaye bu veye ku mwinye, avang'odi na Vafarisayo, avagadi kigira mu tunga izaka ya inaana, nebizari, nekumini, navutswa mu leki amakuva manene gelilaga, bulungi, netsimbabasi, nelisuuvira: navutswa yivi nu bulahi kuvikola, vindu vindi vyembiri muvule kuvileka.

Luka 11:42

Mwinye Avafarisayo, O bayaye bu veye ku mwinye kigira mu tunga lizaka lyenaana nesadhabu? Netsingutsa tsyosi, na mu leka amakuva gobulungi nagobuyanzi bwa Nyasaye: navutswa nu bulahi kukola yivi, kandi kuvu la kuleka yivi vindi.

Yohana 7:24

Mu ta kalaga vya mu lola, navutswa mu kalage likalaga lyobulungi.

Yohana 7:51

Ku lilaga lyetu, ku kalagira mundu, ni ku kikiri kumuhulira nokumanya aga a kola?

Kwidzulitsa 22:1

Lwa u lola ing'ombe yamwavo wowo kinga ligondi lilye ni vi gotanga, u tevisa kuli wa vula kuvilola: ligali u la vi galukidza ku amwavo wowo.