Zekaria 7:3 - KITABU KITAKATIFU

³ nokuvolera avasalisi avenyumba ya Yahova wa mahe, na avaprofeti, kuvola Ga ndukira kulira ku mweli gwegyitano, nokwiyahuia ku avandu, kuli nda kola ku mihiga gya vita minyingi?

Zekaria 7:3 ပူးပေါင်းရင်းမြစ်များ

Ezara 3:10

Kandi lwa avo mbaki va tema muse gwelitempeli lya Yahova, va vika vasalisi ni viviki tsingubo tsyavo nokuva nevisiliva, na Valevi avana va Asafu va veye nevi kuli, kwidzominya Yahova, kuli lilaga lya Daudi mwami wa Israeli.

Kohelethu 3:4

inyinga yokulira, ne nyinga yokuseka; inyinga yokusyoma, nenyinga yokukina;

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Joeli 2:17

Avasalisi, avatumekiri wa Yahova, va lire hagati holusimbu na ubwali, na va vole, U verere avandu vovo, O Yahova, na u ta haana miyandu gyigyo kunyegwa, avetsihiri va duke kwameha kuvo: kigira ki va nyala kuvola hagati hetsihiri, Nyasaye wavo a veye haliha?

Haggai 2:11

Ya hova wa mahe a vola ndi: Mu teve avasalisi ku makuva gelilaga, mu vole,

Zekaria 7:4

Hene yaho likuva lya Yahova wa mahe lya duka ku inze, kuvola,

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Matayo 9:15

Yesu ya va volera, Avalina voserereywi si va nyala kulira lwa userereywi a veye halala navo? Navutswa madiku ga ladza userereywi lwa a li twulidzwa, kunangwa va la honga lilia.

1 Vakorintho 7:5

Mu ta sulana avene navene bugira ni mu ta lagani inyinga, mu duke kuva nobwiyangu bwokusaala, ma mu ve halala kandi; Setani a ta duka kumugeridza kigira ku livula kwegaya lyenyu.

Kwidzulitsa 33:10

Va legidza Yakobo miima gyigyo, Na ku Israeli lilaga lilyo: Va la vika vimuli imbiri wowo, Nekihaanwa kidukanu kyokusambwa ku bwali bubwo.