Zekaria 7:13 - KITABU KITAKATIFU

¹³ Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

Zekaria 7:13 ပူးပေါင်းရင်းမြစ်များ

Tsing'ano 21:13

Uyu u hananga amatu gege ku lilira lyomudaka, Naye a la lira, na a la vula kuhulirwa.

Tsing'ano 28:9

Uyu u girunkannya ugutu gwigwe a vula kuhulira lilaga, Kali lisala lilye li veye livihiriridza.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 11:14

Kigira yaga u ta saalira avandu yava mba, kandi u ta ginga lilira kinga lisaala kigira yavo mba; kigira inze si nda va hulira inyinga vanira ku inze kigira kivi kyavo.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 14:2

Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 7:27

Na ive u la va volera makuva yaga gosi; navutswa si va la ku hulira mba: ive u la va langa; navutswa si va la bugira mba.

Lisyoma lya Jeremia 3:44

Wekuniki nelilesi, lisaala lyetu li vule kuvita.

Ezekieli 14:3

Ive mwana womundu, avandu yava va viki vifwananyi vyavo mu myoyo gyavo, va viki kyokwikigitala kyobudamano bwavo imbiri wommoni mwavo: ga ndukira yavo va nteve ku makuva gosi?

Ezekieli 20:3

Ive mwana womundu, u volere avakulundu va Israeli, u va volere, Mwami Nyasaye a vola ndi: Mwinye mudzi kuteva likuva ku inze? Kuli inze mbeye mwoyo, Mwami Nyasaye a vola, mwinye si mu la teva likuva ku inze mba.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Mika 3:4

Inyinga yeyo va lanira Yahova, navutswa a la vula kuvativulira; yee, a la visa mmoni mwimwe va vule kumulola inyinga yeyo, kuli va koli budamano mu likola lyavo.

Luka 13:25

Mwene inyumba lwa a singira kuhana kiliango, mwi nye mu tanga kusingira kyova nokwigulihidza, nokuvola, Mwami u kwigulire. Naye a la tivula na a mu volera, Si mmu manya wa mu twula.

Yakobo 4:3

Mu saalanga, si mu nyola, kigira mu saala nobudamano, mu duke kuvitumekira mu likayirwa lyenyu.