Zekaria 6:6 - KITABU KITAKATIFU

⁶ Na ligari li veye netsiparasi tsimwamu li tsia ku luvega lwekivala kya kasikasini; na lya li netsiparasi tsindavu li londerera inyima watsyo; na lyetsisembe lya tsia ku luvega lwekivala kya kusini.

Zekaria 6:6 ပူးပေါင်းရင်းမြစ်များ

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 4:6

Mu ginge ibendera ku luvega lwa Zioni: mwiruke mu duke kuhona, mu ta li ndagira mba; kigira nda leta ubudamano kutwula ku luvega lwa kasika sini, nobudividzi ubunene.

Jeremia 46:10

Kigira lidiku yilyo li veye lidiku lya Yahova, uyu Yahova wa mahe, li veye lidiku lyokuvanza kisalya, a duke kwevanzira kisalya ku vasigu veve: kivavi ki la lia na ki liguta, na ki la nwa amasahi gavo nokuhambika; kigira Mwami, Yahova wa mahe, a veye nekihaanwa kikye mu kivala ku luvega lwa kasikasini himbi nomugera gwa Farati.

Jeremia 51:48

Hene yaho ligulu nelirova, nevindu vyosi vi veye mulyo, vi limba nobuyanzi ku Babuloni; kigira ava dividzi va ladza kuye kutwula ku luvega lya kasikasini, Yahova a vola.

Jeremia 6:1

Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

Ezekieli 1:4

Na nda lola, henza, imbuudza yekihudzudzi ya twula ku luvega lwa kasikasini, lilesi linene, halala nomuliru gwolumemo lwa gumirana, nobung'ering'anu bwa kumbiridza tsimbega tsyosi, na hagati hagwo ha li nekindu kuli ubwakanyu bwekivya, hagati homuliru zana.

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Danyeli 11:9

Na a lingira mbwami bwomwami wa kusini, navutswa a lirana mu kivala kikye.

Likunula 6:5

Kandi inyinga ya boholola muhuri gwa kavaka, nda hulira kilombe ki veye mwoyo kya kavaka ni ki vola, Hamba. Kandi nda lola, henza, iparasi imwamu; kandi uyu wikala ku ya li netsiratili mu mukono gwigwe.