Zekaria 6:5 - KITABU KITAKATIFU

⁵ Ingelosi ya tivula nokumbolera, Yitsi tsi veye tsimbuudza tsine tsyomigulu, tsi twulanga mu lisingira imbiri wa Yahova, Mwami welirova lyosi.

Zekaria 6:5 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

Ayubu 1:6

Na ga duka ku lidiku lilala lyavana va Nyasaye va tsia kwevu ngidza avene imbiri wa Yahova, Setani ya tsia hagati havo.

Zaburi 148:8

Umuliru, ne imbula yamagina, likonza ne lilumbe; Imbuudza yekihudzudzi vi kola likuva lilye;

Zaburi 68:17

Magari ga Nyasaye ga veye tsielfu makumi gaviri, kali tsielfu netsielfu: Nyasaye a veye hagati hago, kuli mu Sinai, mu hatakatifu.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Jeremia 49:36

Noku Elam nda leta tsimbuudza tsine kutwula ku tsimbega tsyomwigulu tsine, na nda va salannya va tsie ku tsimbuudza tsyosi tsine; kandi si i la va ho ihiri kali indala ha yavo ava tebwa va Elam va vula kuduka muyo.

Ezekieli 11:22

Hene yaho vakerubi va ginga tsimbaha tsyavo, netsingida tsya li ahimbi kuvo; nobukumi bwa Nyasaye wa Israeli bwa li igulu wavo.

Ezekieli 37:9

Ma ya mbolera, U profete ku imbuudza, u profete, ive mwana womundu, u gi volere, Mwami Nyasaye a ku volera: Hamba u twule ku tsimbega tsyetsimbuudza tsine, O mwika, u herane ku yava aviitwa, va duke kuva mwoyo.

Danyeli 11:4

Kandi inyinga a li singira, ubwami bwibwe bu la vunannywa, kandi bu la gavulwa ku tsimbuudza tsine tsyomigulu, navutswa si bu la va ku visukululwi vivye, kandi si bu la leng'ana nobwami bwibwe bwa yameha; kigira ubwami bwibwe bu lifwa, kali ku avandi ava ta li ku yava.

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Danyeli 7:2

Danyeli ya moloma na a vola, Inze nda lola mu lilola lyange ubudiku, na henza, tsimbuudza tsine tsyomigulu tsya huudza netsingulu ku inyanza inene.

Zekaria 4:10

Kigira ni bwaha u legi lidiku lyevindu vikekeke? Kigira va la sangala, na va la lola Zerubabeli na a veye neplum mmukono gwigwe; yivi vitano na viviri vi veye tsimoni tsya Yahova, tsi lola yiyi na yiyi mu lirova lyosi.

Zekaria 4:14

Ma ya mbolera, Yava va veye vaviri avavakwa a maguta, avasingira ahimbi na Yahova welirova lyosi.

Zekaria 6:1

Na kandi nda ginga tsimoni tsyange, nokulola, na henza, magari gobulwani gane gadzanga kutwula hagati hevigulu viviri; na vigulu zana vya li vyomugasa.

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Matayo 24:31

A la tuma tsingelosi veve nomwoyo munene gwekisiliva, navo va la vu gannya avatovoleywi veve va twule ku tsimbuudza tsine, kandi va twule ku kiheri kilala kandi kuduka ku kiheri kindi kyegulu.

Luka 1:19

Ingelosi ya tivula na a mu volera, Inze mbeye Gabirieli u singiranga imbiri wa Nyasaye; ntumeywi kuvolerana nive nokukuletera amakuva malahi yaga.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 1:7

Kandi ku getsingelosi a vola, U kolanga tsingelosi veve tsimbuudza, Kandi avatumwa veve kuva ulumemo lwomuliru.

Joshua 3:11

Henza, lisanduku lyelilagana lya Yahova welirova lyosi lyambukanga imbiri wenyu nokwingira Yordani.

Likunula 7:1

Inyima wevindu yivi nda lola tsingelosi vane va singiye ku tsikorna tsine tsyelirova, va gimira tsimbuudza tsine tsyelirova ha ta va nembuudza i huudza ku lirova, noku inyanza, noku misala gyosi.