Zekaria 5:4 - KITABU KITAKATIFU

⁴ Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Zekaria 5:4 ပူးပေါင်းရင်းမြစ်များ

Ayubu 18:15

Yikyo ki ta veye kikye ki la menya mu lihema lilye: Kibiridi ki la tsukwa ku bumenyo bwibwe.

Ayubu 20:26

Kisundi kyosi ki vikeywi kigira akiba yeye: Muliru gwa vula kufwanwa gu la mu samba; Gu la samba vya tigala mu lihema lilye.

Ayubu 8:15

A lesedema ku inyumba yeye, navutswa i la vula kusingira: A la hambana nayo, navutswa i la vula kumenya.

Ayubu 8:22

Yavo ava ku dunyira va la vikwa tsisoni; Nelihema lyomudamano si li la va ho kandi mba.

Tsing'ano 3:33

Lilaama lya Yahova li veye ku inyumba yavadamano; Navutswa a gasidza limenya lyavalungi.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Jeremia 2:26

Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Hosea 4:3

Kigira yaga kivala ki la syoma, na sa mulala u menyanga mukyo a la ng'aha, halala netsinyama tsyombulimu na manyonyi gombwerefu; yee, tsisudzi tsyomu inyanza kandi tsi la twulidzwa.

Amosi 3:10

Kigira si va manya kukola bulahi, Yahova a vola yavo ava vikanga akiba yekirage nobwivi mu tsinyumba tsyavo tsyobwami.

Zekaria 5:3

Ma ya mbolera, Yili ni lilaama li twulanga kutsia mu mmoni mwekivala kyosi: kigira ku vosi wivanga a la twulidzwa ku luvega lulala kuli kyokulingwa yiki; noku vosi mundu wesuhanga a la twulidzwa ku luvega lundi kuli kyokulingwa yiki.

Zekaria 8:17

kandi a ta va ho mundu hagati henyu u saavira ubudamano mu mwoyo gwigwe ku mutende wewe; mu ta yanza lyesuha lyobubehi kali hakuzu: kigira vindu yivi vyosi vi veye vya ndunyira, Yahova a vola.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Kwidzulitsa 28:16

U la laamwa mu lidala, na u la laamwa mu mulimi.

Kwidzulitsa 7:26

Na u ta leta livihiriridza mu inyumba yoyo, gase u la leng'ana ne kya laamwa: u ki dunyire ligali, u ki sule ligali, kigira ki veye kindu kya laamwa.

Joshua 9:20

Ku la va kolera yaga, na ku la va leka va ve mwoyo gase ubutima bu la va ku kwinye kigira lyesuha lya kwa visuhira.