Zekaria 5:3 - KITABU KITAKATIFU

³ Ma ya mbolera, Yili ni lilaama li twulanga kutsia mu mmoni mwekivala kyosi: kigira ku vosi wivanga a la twulidzwa ku luvega lulala kuli kyokulingwa yiki; noku vosi mundu wesuhanga a la twulidzwa ku luvega lundi kuli kyokulingwa yiki.

Zekaria 5:3 ပူးပေါင်းရင်းမြစ်များ

Kutwula 20:15

U tiba mba.

Tsing'ano 29:24

U veye nelisanga nomwivi a dunyira mwoyo gwigwe mwene; A huliranga imisu, ma a vula kuvuula.

Tsing'ano 3:33

Lilaama lya Yahova li veye ku inyumba yavadamano; Navutswa a gasidza limenya lyavalungi.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Isaya 43:28

Kigira yaga nda va vika ubudamano avanene va hatakatifu; na nda kola Yakobo kuva lilaamwa, na Israeli kuva manyego.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 26:6

hene yaho nda kola inyumba yiyi i ve kuli Shilo, na nda kola lidala yili li ve lilaamwa ku tsihiri tsyosi tsyelirova.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 2:9

Lwa mbenza, henza, mukono gwa nyirwa ku inze: kandi henza, lilingwa lyekitabu kya gumirwa nomukono zana;

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Kyavalevi 19:11

Mu tiba mba; kandi mu ta kola ubugadi, na mu ta veherana mba.

Kyavalevi 19:12

Mu tesuha lyobubehi ku lieta lyange, nokwononya lieta lya Nyasaye wowo: inze mbeye Yahova.

Amosi 3:10

Kigira si va manya kukola bulahi, Yahova a vola yavo ava vikanga akiba yekirage nobwivi mu tsinyumba tsyavo tsyobwami.

Zekaria 5:4

Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Zekaria 8:17

kandi a ta va ho mundu hagati henyu u saavira ubudamano mu mwoyo gwigwe ku mutende wewe; mu ta yanza lyesuha lyobubehi kali hakuzu: kigira vindu yivi vyosi vi veye vya ndunyira, Yahova a vola.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Malaki 4:6

Naye a la girunkannya myoyo gya vadada gyi yeke ku avana, na myoyo gya avana gyi yeke ku vadada vavo; gase ndadza ku kuya lirova nevilaamo.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Luka 21:35

kigira li la duka ndiyo ku vosi ava menya ku lirova lyosi.

Vafeso 4:28

Uyu wiba a tiba kandi: navutswa nubulahi a didikane, a yinzire namakono gege, a kole kindu ki veye kilahi, a duke kuva nekindu kyokuha uyu u veye nobudaka.

1 Timoteo 1:9

na ku manya likuva yili, lilaga si lya lomberwa mundu mulungi navutswa lya lomberwa avebaali nava ta hulira, nava ta yeka ku Nyasaye, navobwoni, nava ta tia Nyasaye, avekifwabwi, naviitanga ise kandi aviitanga nnya, naviita mundu,

Yakobo 5:12

Navutswa kuvita vyosi, avamitu, mu tisuha ku ligulu kinga lirova kinga lisuha lindi ku lyosi: navutswa yee wenyu a ve yee, kandi auwa wenyu a ve auwa, gase mu la gwa mu likalagirwa.

Yakobo 5:4

Henzi, amadanyi gavayinziri avagesa milimi gyenyu, aga mwinye mwigalira ku linuula, ga kupa tsikwili: nelilira lya yavo avagesa lingiye mu matu go Mwami Wamahe.

Joshua 9:20

Ku la va kolera yaga, na ku la va leka va ve mwoyo gase ubutima bu la va ku kwinye kigira lyesuha lya kwa visuhira.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.