Zekaria 4:9 - KITABU KITAKATIFU

⁹ Makono ga Zerubabeli ga mali kutema muse gyenyumba yiyi, makono gege gene yago ga la gi mala; na ive u la manya ni Yahova wa mahe wa ntuma inze ku mwinye.

Zekaria 4:9 ပူးပေါင်းရင်းမြစ်များ

Ezara 5:16

Hene yaho uyu Sheshibazaru, yadza na a tema mise gyenyumba ya Nyasaye ya li mu Yerusalemi: nokutwula inyinga yeyo kuduka kalunu i kyombakangwa na i kikiri kumaliridzwa.

Isaya 48:16

Mwisunde himbi ku inze, mu hulire likuva yili; kutwula mu litanga si nda vola mu liviswa; kutwula inyinga ya li ho, inze nda li ho: na kalunu Yahova Nyasaye u ntumi, na Roho wewe.

Haggai 2:18

Mu ganagane mmugoonyanga, kutwula lidiku yili no kutsia mbiri, kutwula ku liduku lya makumi gaviri na gane ku mweli gwa gyitano na gyine, kutwula lidiku lyomuse gwelitempeli lya Yahova gwa temwa, mu li ganagane.

Zekaria 1:16

Kigira yaga Yahova a vola: Mmali kwirana ku Yerusalemi netsi mbabasi; inyumba yange i lombakwa mulyo, Yahova wa mahe a vola, nomugoye gu la nyirwa ku Yerusa lemi.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Zekaria 2:13

Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.

Zekaria 4:8

Kandi likuva lya Yahova lya duka ku inze, kuvola,

Zekaria 6:15

Na yavo va veye ihali va ladza nokwombaka mu litempeli lya Yahova; na mu la manya ni Yahova wa mahe wa ntuma ku mwinye. Na yaga ga la kolwa ni mu va ni mu hulira ligali mwoyo gwa Yahova Nyasaye wenyu.

Matayo 16:18

Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.