Zekaria 3:10 - KITABU KITAKATIFU

¹⁰ Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.

Zekaria 3:10 ပူးပေါင်းရင်းမြစ်များ

1 Avami 4:25

Na Yuda na Israeli va menya bulahi, sa mulala isi womuzabibu gwigwe na isi womukuyu gwigwe, kutwula Dan kuduka Beersheba, madiku gosi ga Solomoni.

1 Avami 5:5

Na, henza, nsaavira kwombakira lieta lya Yahova Nyasaye wange inyumba, kuli Yahova ya volera Daudi dada wange, na a vola, Mwana wowo, wa ndi vika ku intebe yoyo yobwami mbugono bubwo, uyu a lombakira lieta lyange inyumba.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 36:16

Mu ta hulira Hezekia mba: kigira mwami wa Asuria a vola, Mu kole ninze mirembe, mu twule mudze ku inze; na mu lie sa mulala muzabibu gwigwe, na sa mulala amakuyu gege, na mu nwe sa mulala amadzi ga isiongo yeye mwene:

Jeremia 32:15

Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Mika 4:4

Navutswa va likala sa mulala isi womuzabibu gwigwe kinga isi womukuyu gwigwe; si ha veye nomu ndu kali mulala u va tihidza mba: kigira munwa gwa Yahova wa mahe gu voye yaga.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.