Zekaria 2:4 - KITABU KITAKATIFU

⁴ na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo.

Zekaria 2:4 ပူးပေါင်းရင်းမြစ်များ

Esther 9:19

Kunangwa Avayuda ava li mu tudala na ava menya mu madala ga ta li netsingaga, va kola lidiku lyelikumi na gane lyomweli gwa Adari kuva lidiku lyobusangali na lyelilia, na lidiku lilahi, na lyokuhaanirana vihaanwa mundu sa mulala nowakye.

Isaya 33:20

Henza Zioni, lidala lyamalia getu: tsimoni tsitsyo tsi la lola Yerusalemi kuva ubu menyo bwobusosi, lihema li la vula kutwulidzwa, lyevivambo vyalyo vi la vula kwifwa, kandi migoye gyalyo si ha veye nomulala ugwa kalika.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 49:20

Avana velikudzirwa lilyo va la vola kandi mmatu gogo, Hano ha veye hanyerere ligali si ha duki inze mba: u mbe ubwiyangu nduke kumenya.

Isaya 54:16

Henza, mali kulomba mutuuli u hudziranga muliru gwamanda, nokutwulidza ikiju a duke kukola miyinzi gyigye; kandi nombi wokugotidza a duke kwononnya.

Jeremia 1:6

Hene yaho nda vola, Ai, Mwami Nyasaye henza, si nyala kuvola; kigira mbeye mwana.

Jeremia 31:24

Na Yuda namadala gakyo ga la menya mu halala, avalimi, na yavo ava vodonkananga nevyayo.

Jeremia 31:27

Henza, madiku gadzanga, Yahova a vola, mu madiku yago, nda midza inyumba ya Israeli nenyumba ya Yuda ubugutsa bwomundu, nobugutsa bwemitugu.

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Ezekieli 38:11

na u la vola, Ndanegira ku kivala kyotu dala tu ta li netsingaga; nda tsia ku yava ava veye mu busosi, avamenya nemirembe, vosi va menya bugira tsingaga, na ava ta veye nemiluguyu kinga viribwa;

Danyeli 1:17

Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Danyeli 1:4

avasoleli ava ta li nembala, navutswa aveligondo lilahi, avasidza mu bugeeri bwosi, kandi avelimanya, navahuliri velimanya, na avetsingulu kusingira mu inyumba yomwami; kandi ya mu volera a vegidze megidzo nolulimi lwa Vakalidei.

Mika 7:11

Li veye lidiku lyokwombaka madigi gogo, mu lidiku lilyo lilaga li la hilwa ihale.

Zekaria 1:16

Kigira yaga Yahova a vola: Mmali kwirana ku Yerusalemi netsi mbabasi; inyumba yange i lombakwa mulyo, Yahova wa mahe a vola, nomugoye gu la nyirwa ku Yerusa lemi.

Zekaria 1:17

Hanzuka kandi hali kaviri, u vole, Yahova wa mahe a vola yaga: Madala gange ku ligasidzwa yili ga la meda yiyi na yiyi; Na kandi Yahova a la leminya Zioni, kandi a la tovola Yerusalemi.

Zekaria 12:6

Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.

Zekaria 14:12

Kandi ipelegi ya Yahova a la duyira avandu vosi avalwana na Yerusalemi, ni yiyi: tsinyama tsyemibiri gyavo tsi la nyanyika ni va singiye nevirenge vyavo, tsimoni tsyavo tsi la nyanyika mu mitwe gyavo, na tsinimi tsyavo tsi la nyanyika mu minwa gyavo.

1 Timoteo 4:12

U ta leka mundu kali mulala a lege ubuyai bubwo; navutswa u ve kyokuhenzera ku kyavasuuviri, mu livola nomu ligenda, nomu liyanza, nomu lisuuvira, nomu lyetakasa.