Zekaria 14:4 - KITABU KITAKATIFU

⁴ Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Zekaria 14:4 ပူးပေါင်းရင်းမြစ်များ

2 Samweli 15:30

Na Daudi yanegira ku kyanegiru kyekigulu kya Mizeituni, na ya lira lwa yanegiranga: na ya kunikwa mutwe, na a genda nevirenge vyere: navandu vosi ava li halala naye va kunikwa sa mulala mutwe gwi gwe, navo va lira lwa vanegiranga.

Ezekieli 11:23

Nobukumi bwa Yahova bwa nina igulu kutwula hagati helidala, na bwa singira ku kigulu kyoluvega lwevugwe welidala.

Ezekieli 38:20

kuduka tsisudzi tsi veye mu inyanza, namanyonyi gombwerefu, netsinyama tsyomwigendanyama, na vi molanga ku lirova vyosi, navandu vosi ava veye mmoni mwekivala, va la degera imbiri wommoni mwange, nevigulu vi la tsomwa hasi, na vyanegiru vi la gwa, namadigi sa lilala li la gwa hasi.

Ezekieli 43:2

Na, henza, ubu kumi bwa Nyasaye wa Israeli bwa loleka ku inzira yevugwe: nomwoyo gwigwe gwa li kuli lihoola lyamadzi manene; nelirova lya ng'ering'ana kigira ubukumi bwibwe.

Habakuk 3:6

Ya singira, na a gera lirova; Ya henza, na a salannya tsihiri; Vigulu vyemihiga nemihiga va salannywa kandi; Tugulu twemihiga nemihiga twinaminya mitwe gyatwo; Tsing'endo tsitsye tsya li kuli tsya kale.

Zekaria 14:10

Na kivala kyosi ki la girunkannya kuli kivala kereremu, kutwula Geba kuduka Rimon ku luvega lwa kusini wa Yerusalemi; na li la gingwa igulu, nokumenya habugono halyo, kutwula ku kiribwa kya Benjamini kuduka ku kiribwa kyokutanga, kuduka ku kiribwa kyolwiga, nokutwula ku kitaradzi kya Hananeli kuduka ku vyokumina iwaini vyomwami.

Zekaria 14:7

navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho.

Zekaria 14:8

Na ga la duka ku lidiku yilyo, amadzi ga veye mwoyo ga la twula mu Yerusalemi; luvega lulala kugo ga la tsia ku luvega lwenyanza yevugwe, na luvega lwago lundi ga la tsia ku luvega lwenyanza ye madioli: ga la va ndiyo inyinga yoluya noku inyinga yobukindu.

Zekaria 4:7

Ive ni bwaha, O kigulu kinene? Imbiri wa Zerubabeli u la gwa kivala kyekereremu; naye a la leta ligina lyokugulira halala no kukupa isango, kuvola, Tsimbabasi, tsimbabasi, tsi ve kulyo.

Marko 11:23

Ligali mmu volera, Ku vosi u li volera kigulu yiki, Ive u gingwe u sikiswe mu inyanza; kandi u ta hayahayidza mu mwoyo gwigwe, navutswa a suuvira mu mwoyo amakuva gege ga la kolwa; uyu a la ga nyola.