Zekaria 13:9 - KITABU KITAKATIFU

⁹ Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Zekaria 13:9 ပူးပေါင်းရင်းမြစ်များ

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Ayubu 28:1

Ligali bu veye ho bogo bwefetha, Nobugono bwethahabu ya va siya isiyeveywi.

Zaburi 144:15

Avandu va veye neliva yili va veye nobugasu; Yee, avandu va veye nobugasu ava Nyasaye a veye Yahova wavo

Zaburi 43:4

Ma nda tsia ku ubwali bwa Nyasaye, Ku Nyasaye u veye ubusangali bwange bunene; Na nda kwidzominyira nobukana, O Nyasaye, Nyasaye wange.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Lwimbu lwa Solomoni 2:16

Munyanze wange a veye wange, na inze ni wewe: Yayanga kyayo kikye kyamagondi mu bulavidzu.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 48:10

Henza, mmali kukusiyira mmuliru, navutswa si ga veye kuli ifetha isiyangwa; nku tovoye mu kisambiru kye kivi.

Isaya 58:9

Kunangwa u lanira, na Yahova a la bugirira; u la kupa lwanga, naye a la vola, Mbeye hano. Nu u va nu u twulidza hagati hoho inira, neligeragera kidete, nelivola lyobudamano;

Jeremia 24:5

Yahova, Nyasaye wa Israeli, a vola ndi: Kuli amakuyu malahi yaga ga veye, ni ndiyo ndi lola avahambe va Yuda, ava nda twulidza hano kutsia mu kivala kya Vakalidei, kuvakolera bulahi.

Jeremia 30:22

Na mu la va avandu vange, na inze nda va Nyasaye wenyu.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 32:38

Navo va la va avandu vange, na inze nda va Nyasaye wavo:

Jeremia 9:6

Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

Ezekieli 11:20

va duke kugenda mu malago gange, nokugumira miima gyange nokugyikola: na va la va avandu vange, na inze nda va Nyasaye wavo

Ezekieli 14:11

inyumba ya Israeli i vule kuvoyavoya ihale ku inze kandi, kinga va vule kwivika mu bubi kandi ku mahyolo gavo gosi; navutswa va ve avandu vange, na inze mbe Nyasaye wavo, Mwami Nyasaye a vola.

Ezekieli 20:38

nda va sembera va twule hagati henyu avebaali, na va hyola ku inze; nda va twulidza mu kivala kya va menyanga mu ubugeni, navutswa si va lingira mu kivala kya Israeli mba: na mu la manya mbeye Yahova.

Ezekieli 36:28

Na mu la menya mu kivala kya nda ha avaguga venyu; na mu la va avandu vange, na inze nda va Nyasaye we nyu.

Ezekieli 37:27

Lihema lyange li la va halala navo; na nda va Nyasaye wavo, navo va la va avandu vange.

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Danyeli 12:10

Avanyingi va letakasa avene, nokwenihidza, nokuseredzwa; navutswa avadamano va la kola ubudamano: noku avadamano si ha la va na u manya; navutswa avageeri va ia manya.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Kyavalevi 26:12

Na nda genda halala na mwinye, na nda va Nyasaye wenyu, na mwinye mu la avandu vange.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Zekaria 8:8

nda va leta, na va la menya hagati ha Yerusalemi; va la va avandu vange, na inze nda va Nyasaye wavo, mu geligali nomu bulungi.

Vikolwa 2:21

Kandi ga la va, ku vandu vosi u lyanira ku lieta lyo Mwami a la honnywa.

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

1 Petro 4:12

Avayanze, mu ta genya ku ligeridza lyomuliru li mu geridza li veye hagati henyu kumugeridza, kuli kindu kigeni kya mu gwira:

Likunula 21:7

Uyu u guuta a la lia vindu yivi; kandi nda va Nyasaye wewe, naye a la va mwana wange.

Likunula 8:10

Kandi ingelosi wa kavaka ya kupa, ing'ereng'ani inene yaguluka kutwula migulu, yaaka kuli lumuli, kandi ya gwa ku kidieli kilala ku vivaka vyemigera noku busenukiru bwamadzi;

Likunula 8:11

lieta lyeng'ereng'ani zana li veye Kilulu; kandi kidieli kilala ku vivaka vyamadzi kya gwa kilulu; navandu avanyingi va kudza kigira amadzi yaga, kigira ga kolwa malulu.

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.

Likunula 8:8

Kandi ingelosi wa kaviri ya kupa, kya li ho kindu kuli kigulu kinene kyaaka muliru kya sikiswa mu inyanza: kidieli kilala ku vivaka vyenyanza kya gwa masahi;

Likunula 8:9

kandi kidieli kilala ku vivaka vyevilombe vi veye mu inyanza vi veye mwoyo, kya kudza; kandi kidieli kilala ku vivaka vyobwato kya dividzwa.