Zekaria 13:7 - KITABU KITAKATIFU

⁷ U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Zekaria 13:7 ပူးပေါင်းရင်းမြစ်များ

Zaburi 2:2

Avami velirova va tsuvana avene, Na avamehi va volerana avene na avene Kwambakana Yahova, no mbake wewe, va vola

Isaya 1:25

nda girunkannya mukono gwange gu ve ku ive, na nda seredza ligali amandu gogo, nda twulidza lukakala lwosi lwa handa ku ifetha yoyo;

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 47:6

O ive kivavi kya Yahova, u la va na madiku ganga u luhe u sose? Wevike ive mwene mu Iwula: u sose, wehodzeridze.

Ezekieli 21:28

Na ive, mwana womundu, profeta, u vole, Mwami Nyasaye a vola ndi ku makuva gavana va Amon, noku makuva gelinyega lyavo; u vole Kivavi, kivavi ki somoywi, ki siyeywi kigira ubwiiti ki dukidzwe kulia ligali, ki ve kuli oluheni;

Ezekieli 21:3

u volere kivala kya Israeli, Yahova a vola ndi: Henza, mbeye umusigu ku ive, na nda somola kivavi kyange mu Iwula, nda twulidza ku ive avalungi navadamano.

Ezekieli 37:24

Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.

Ezekieli 7:6

Kiheri ki duki, kiheri ki duki; ki vuki ku ive; henza kidzanga.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Mika 5:4

Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova.

Zekaria 11:11

Lyononnywa mu lidiku zana yilyo; ni ndiyo avang'afu mu kyayo yavo avambulira va manya yili li veye likuva lya Yahova.

Zekaria 11:4

Yahova Nyasaye wange a vola; Waye kyayo kyokwiitwa;

Zekaria 11:7

Kuna ngwa ndaya kyayo kyokwiitwa, ligali avang'afu vekyayo. Na ndenyolera tsimpimbo tsiviri; indala nda gi gulika Ubulahi, neyindi nda gi gulika Viboheru; na ndaya kyayo.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 10:42

Ku vosi u linwehidza mulala ku vakekeke yava kisanda kyamadzi makindu vutswa, ku lieta lyomwegidzwi, ligali mmu volera si a li nyala ligali kugotidza lidanyi lilye.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Matayo 18:14

Na ndiyo si bu li ubulaliri bwa Dada wenyu u veye migulu, mulala ku vakekeke yava a dive.

Matayo 26:31

Hene yaho Yesu ya va volera, Ubudiku bwa lero mwinye vosi mu la kolwa mu dunye kigira inze; kigira ga ng'odwa, Nda kuya mwayi, namagondi gekyayo ga la salannywa.

Matayo 26:56

Navutswa yaga gosi ga kolwa, mang'oda gavaprofeti ga duke kudukidzwa. Hene yaho avegidzwi vosi va mu leka ni viruka.

Marko 14:27

Yesu ya va volera, Mwinye vosi mu likigitalidzwa: kigira ga ng'odwa Nda duya mwayi, na magondi ga la tazuka.

Marko 14:50

Ma va mu leka vosi, ni viruka.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Luka 17:2

Nu bulahi ku uyu na a vikwa lugina mu ligoti lilye, na a tebwa mu inyanza, kuvita ni yikigitalidza mulala ku yava avakekeke.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 10:30

Inze na Dada ku veye kindu kilala.

Yohana 10:38

Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

Yohana 14:1

Mu ta henda myoyo gyenyu: suuviri Nyasaye, mu suuvire inze kandi.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 16:15

Vindu vyosi vya Dada a veye navyo vi veye vyange: yiki ni kigira nda vola a vugula ku vyange yilwadze ku mwinye.

Yohana 16:32

Henza, isaa yidza, yee, i mali kuduka, ya mwinye mu lavukanira avandu sa mulala ku vindu vivye, mu leke inze tsyeng'ine: navutswa inze si mbeye tsyeng'ine, kigira Dada a veye halala ninze.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Vikolwa 2:23

uyu wa hebwa nelitovola nelisaavira lya Nyasaye lya ya manya imbiri, mwinye mwa mbamba ni mu mwiita namakono gavandu vekirage:

Varumi 4:25

wa haanwa kigira lihyola lyetu, kandi ya simugukidzwa kigira lilungekidzwa lyetu.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

Vafilipi 2:6

uyu, wa li ku lugano lwa Nyasaye, si ya lola lile ng'ana na Nyasaye ni kindu kyokuhandwa ku,

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Petro 5:4

Kandi Mwayi munene lwa a lang'aminywa, mu la vugula itaji yobukumi i ta kamuluka.

1 Yohana 2:2

a veve kyowisayasayira ku bwoni bwetu; kandi si a veye ku bwoni bwetu bweng'ine, navutswa kandi ku bwoni bwavomkivala vosi.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.