Zekaria 13:2 - KITABU KITAKATIFU

² Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala.

Zekaria 13:2 ပူးပေါင်းရင်းမြစ်များ

1 Avami 22:22

Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.

Zaburi 16:4

Ubuvereri bwavo bu la medeka, ava haana vihaanwa ku mu nyasaye wundi: Vihaanwa vyavo vyokunwa vyamasahi si nda vi haana Kandi si nda vugula ameta gavo mu munwa gwange.

Kutwula 22:13

Ni ki va ni kya donyanywa, a ki lete ki ve kilolekidzu; si a la tunga mba kya donyanywa.

Kutwula 23:13

kandi mu vyosi vya mmu voleye mu hulire: na mu ta tala lieta lya vanyasaye avandi, kandi li ta hulirwa mu munwa gwugwo.

Isaya 2:18

Na vifwananyi vyosi vi la hera ligali.

Isaya 2:20

Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Ezekieli 12:24

Kigira amalola ga vutswa si ga la va ho kandi, kinga ubusegetiri bweligoha mu inyumba ya Israeli.

Ezekieli 13:23

kigira yaga si mu la lola aga vutswa yago kandi mba, kinga kusege tera ubusegetiri: na nda honnya avandu vange ku makono genyu: na mu la manya inze mbeye Yahova.

Ezekieli 14:9

Kandi ni i va muprofeti uyu ya gadwa nokuvola likuva ku gosi Ninze, Yahova, wa gada muprofeti uyu, na nda nyira mukono gwange kuye, nokumudividza a twula hagati ha vandu vange Israeli.

Ezekieli 30:13

Mwami Nyasaye a vola ndi: Nda dividza vifwananyi vyavo, na nda heridza vifwananyi vya vutswa mu Nofu; a la vula kunyoleka munene u twulanga mu kivala kya Egepeti: nda vika ubutii mu kivala kya Egepeti.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Ezekieli 36:29

Na nda mu honnya ku bubi bwenyu bwosi: na nda langa ubuswage na nda bu meda, na si nda vika inzaia ku mwinye kandi mba.

Ezekieli 37:23

kandi si va livika mu bubi ku vifwananyi vyavo kandi mba, kinga ku vindu vyavo vyekivihiri, kinga ku mahyolo gavo lilala kugo; navutswa nda va honnya va twule mu bumenyo bwavo bwosi, bwa va kolera mu ubwoni, na nda vogidza: ma va la va avandu vange, na inze nda va Nyasaye wavo.

Ezekieli 43:7

Naye ya mbolera, Ive mwana womundu, hano ha veye ha intebe yange yobwami, na ha tsinduvatiru tsyevirenge vyange, ha inze nda menya hagati ha avana va Israeli mihiga nemihiga. Na inyumba ya Israeli il a vula kwononnya lieta lyange litakatifu kandi, yava, kinga avami vavo, ku makuva gavo ga malaya, noku mibiri mikudzu gyavami vavo mu hadiguluku havo;

Ezekieli 6:6

Hosi ha mu menyanga madala ga la kolwa vyanyi, hadiguluku ha la va hatswa; ubwali bwenyu bu duke kukolwa vyanyi, nokukolwa hatswa, nevifwananyi vyenyu kuvunanywa nokuhera, nevifwananyi vyenyu vyeliuva vi la temagwa, nemiyinzi gyenyu gyi la dividzwa ligali.

Hosea 14:8

Efiraim a la vola, Inze mbeye naki kandi ku vifwananyi? Mmali kutivula, na nda mu henza: inze mbeye kuli mutaragwa muvisi; makuyu gogo ga nyolekanga ku inze.

Hosea 2:17

Kigira nda twulidza ameta ga Vabaal mmunwa gwigwe, na si va la talwa ku ameta gavo.

Hosea 2:19

Na nda ku kwa nelikwa lyemihiga nemihiga; yee, nda ku kwa mbulungi, nomu likalaga, nomu vikolwa vilahi nomu tsimbabasi.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Matayo 12:43

Navutswa roho mudamano, lwa gu mali kutwula ku mundu, gu genda ha ga ta li ho amadzi, gwenya ho kusosera, gu vula kunyola.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Luka 11:20

Navutswa inze ni mba ni ntwulidza amademone nekidete kya Nyasaye, ubwa mi bwa Nyasaye bu mali kuduka ku mwinye.

Kwidzulitsa 12:3

na mu lononya bwali bwavo, mu sambule minara gyavo gyi ve vidonye na mu la samba misala gyemisambwa gyavo nomuliru; na mu temage vifwananyi vya vadzwa vya vanyasaye vavo; no mu leya ameta gavo kugatwulidza ha zana.

Kwidzulitsa 18:20

Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

Joshua 23:7

mu tingira hagati hetsihiri yitsi, tsya tigala hagati henyu; kandi mu ta tala ameta ga vanyasaye vavo, kinga kumwisuhidza kuvo, kinga kuvatumekira, kinga kwinama imbiri wavo:

Likunula 18:2

Kandi ya hanzuka no mwoyo gwetsingulu, na a vola, Babuloni linene, li gwiye, li gwiye, nokugwa kivuganiru kyamademone, habuhambe bwa roho gyosi mudamano, nobuhambe bwamanyonyi madamano na gokuvihiririhidza.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi: