Zekaria 12:8 - KITABU KITAKATIFU

⁸ Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Zekaria 12:8 ပူးပေါင်းရင်းမြစ်များ

Zaburi 8:5

Kigira u mu koli kuva mugeheru hakekeke ku tsingelosi, U mu viki itaji yobukumi na yelidzominywa.

Zaburi 82:6

Nda vola, Mu veye avanya saye, Na mwinye vosi avana va Uyu Weigulu Ligali.

Kutwula 14:19

Kandi ingelosi wa Nyasaye ya vimirira imbiri welihe lya Israeli, ya twula yo ni yirana inyima wavo; na munara gwelilesi gwa twula imbiri wavo, nokusingira inyima wavo;

Kutwula 33:2

na nda tuma ingelosi imbiri wowo, na nda kunga Avakanani, na Avaamori na Avahiti, na Avaperizi, na Avahivi, na Avajebusi:

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 31:4

Kigira Yahova a mbolera likuva yili, Kuli king'ang'a neking'ang'a kisoleli vi fwumanga ku lihima lyavyo, ni va langwa avayi vanyingi kutsia kukikuya, si ki la tia myoyo gyavo, kandi si ki legehidza ku luku lwavo: ga la va ndiyo Yahova wa mahe a la sulunguta ku kigulu kya Zioni kulwana, nomu kagulu kakyo.

Isaya 33:24

Na uyu u menyanga yo si a la vola, mbeye mulwaye avandu va menyanga mu va la sarne fwa ubwoni bwavo.

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Hosea 12:3

Mmunda mwa mama wewe ya gumira amwavo wewe liki; nombukulundu bwibwe ya li nobunyali na Nyasaye:

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Joeli 3:10

Mu tuule tsimbago tsyenyu tsi ve vivavi, na tsinkonono tsyenyu mu tuule tsi ve amatimu: na mudedekere a vole, Mbeye netsingulu.

Kyavalevi 26:8

Na ku mwinye vatano va la kunga avandu mia, na ku mwinye mia va la kunga tsielfu likumi; na avasigu venyu va la gwa imbiri wenyu ku kivavi.

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Mika 7:16

Vetsihiri va la lola, no kuva isoni ku bunyali bwavo bwosi; va la kunika minwa gyavo na makono gavo; amatu gavo ga la hana.

Mika 7:8

U tidzominyira ku inze, O musigu wange: lwa ngwa, nda vuka kandi lwa nzikala mkisundi, Yahova a la va bulavu ku inze.

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

Zekaria 9:8

Na nda singeridza mahema gange kukumbiridza inyumba yange, kigira lihe, ha ta va novita kinga wirana kandi mudambidzi ku vosi si a la vita hagati havo mba: kigira inze kalunu ndolanga netsimoni tsyange.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Varumi 9:5

na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 11:34

va guuta tsingulu tsyomuliru, va hona ku bwogi bwekivavi, kutwula mu budedekere va hebwa tsingulu, va gwa avagulu mu lihe, va kunga amahe gavageni.

Joshua 23:10

Mundumulala ku mwinye a la kunga elfu, kigira Yahova Nyasaye wenyu, niye u mu lwaniranga, kuli ya mu volera.

Likunula 22:13

Inze mbeye Alfa na Omega, wokutanga nowekiheri litanga nekiheri.

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba