Zekaria 12:7 - KITABU KITAKATIFU

⁷ Kandi Yahova a la tanga ku honnya maherna ga Yuda, kuduka ubukumi bwenyumba ya Daudi na ubukumi bwa yavo ava menya Yerusalemi bu vule kwidzo minywa kuvita bwa Yuda.

Zekaria 12:7 ပူးပေါင်းရင်းမြစ်များ

Ayubu 19:5

Ni mu va ni mweyidzominya mwinye avene ku inze Nokuvola manyego gange ku inze.

Zaburi 35:26

Va leganywe nokuva isoni halala, yavo ava sangalira kivi kyange: Va vikwe tsisoni nelikyaywa, avegingira ku inze.

Zaburi 38:16

Kigira nda vola, Gase va la sangala ku inze: Lwa kirenge kyange ki terera, vegingire avene ku inze.

Zaburi 55:12

Kigira si a li musigu wa nyeganga inze; Na a va musigu nkano nda nyala kwekudzira kuye: Kandi si a li u ndunyira, wegingira ku inze; Kunangwa ndevisa kuye:

Isaya 23:9

Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Amosi 9:11

Ku lidiku yilyo nda singeridza lihema lya Daudi lya gwa, nokuhana hasasuguka halyo; na nda lohidza lisalana lyalyo, na nda lyombaka kuli mmadiku gamatsyambiri;

Zekaria 11:11

Lyononnywa mu lidiku zana yilyo; ni ndiyo avang'afu mu kyayo yavo avambulira va manya yili li veye likuva lya Yahova.

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Luka 10:21

Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.

Varumi 3:27

Kunangwa liidzominya li veye haliha? Li twulidzeywi. Ku lilaga ki? Lyemiyinzi? Auwa: noku lilaga lyelisuuvira.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.