Zekaria 12:1 - KITABU KITAKATIFU

¹ Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Zekaria 12:1 ပူးပေါင်းရင်းမြစ်များ

Litanga 1:8

Na Nyasaye ya gulika ubwerefu, Ligulu. Na gwa li mgolova, na gwa li mugamba, lidiku lya kaviri.

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Ayubu 26:7

Ya vambuula kasikasini igulu wobwiyangu bu ta veye ne kindu, Nokusunga lirova mu ki ta veye nekindu.

Ayubu 37:18

U nyala kulandidza ligulu halala naye, Li veye netsingulu kuli kyelolero kyokusalulwa?

Zaburi 104:2

Wivikanga ubulavu kuli ingubo; U vambulanga ligulu kuli ingubo yokukinga;

Zaburi 134:3

Ubugasu bwa Yahova bu twule mu Zioni kukugasidza; Kali uyu wa lomba ligulu na lirova.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Isaya 40:12

Ni bwaha u geri amadzi ku luhe lwomukono gwigwe, nokugera ligulu neligera lyokutwula ku kidete kinene kuduka kyanyasi, nokumanya liduka lyolugukyi lwelirova mu kigero, nokugera vigulu ku tsiratili, notugulu ku tsiratili tsyokusung'anana?

Isaya 40:22

Niye wikalanga ku ingida yelirova, na avamenyanga mulyo va veye kuli visilili; uyu u vagalanga ligulu kuli ingubo yokukinga, nokulivambula kuli lihema lyokumenya mu;

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 48:13

Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Jeremia 10:12

Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 30:16

Kunangwa kigira yaga vosi ava lia ive navo va la libwa; navasigu vovo vosi, sa mulala a la hilwa mbuhambe; na yava ava lanyanga ive va la lanywa, na yavo vosi ava vugulanga ive ku va muhambe, nda va haana navo kuva avahambe.

Jeremia 38:16

Ma mwami Zedekia yisuhira Jere mia makiriri, na a vola, Kuli Yahova a veye mwoyo, wa ku lombera mwoyo gwange yigu, Inze si nda kwiita, kandi si nda ku vika mmakono gavandu venyanga mwoyo gugwo mba.

Jeremia 50:34

Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

Jeremia 51:15

A lombi lirova yili nobunyali bwibwe, a dinyiridzi lirova nobugeeri bwibwe, kandi avambuye ligulu nelimanya lilye.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 18:4

Henza myoyo gya vosi ni gyange; kuli mwoyo gwa ise gu veye gwange ni ndiyo mwoyo gwomwana wewe gu veye gwange: mwoyo gwomundu gu kolanga ubwoni gu la kudza.

Joeli 3:19

Egepeti ki la va ing'anye, Edom ki la va kyangalangwi kyere, kigira kirage kya va kolera avana va Buyuda, kigira va tahidza amasahi ga ta li nekindu mu kivala kyavo.

Joeli 3:21

Na ndogidza amasahi gavo aga nkikiri kwogidza: kigira Yahova a menya mu Zioni.

Zekaria 9:1

Yibu nobuliduhu bwelikuva lya Yahova ku kivala kya Hadaraka, na Damasko ki la va ha bugono hehe hokusosa (kigira imoni yomundu netsimoni tsya vetsihiri tsyosi tsya Israeli tsi henzi ku Yahova);

Malaki 1:1

Yibu ni buliduhu bwelikuva lya Yahova lya ng'odu a ku Israeli nomukono gwa Malaki.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Vahebraina 12:9

Na kandi kwa li navadada avemibiri gyetu kukuha amageli, na kwinye kwa va hulira: nasindi uyu Dada wa roho si ku legehidza ligali kuye nokuva mwoyo?